Dhimitër Xhuvani |
Romani ,,Përsëri në këmbë” i Dhimitër Xhuvanit-kritikë letrare apo analizë letrare
Romani ,,Përsëri në këmbë” i Dhimitër Xhuvanit i kushtohet temës së qëndrimit të njeriut në fatkeqësi, të ndihmës morale që i jep atij shoqëria socialiste.
Një punëtor, në moshë të re, ka humbur të dy këmbët. Përpara tij qëndron një dilemë: të zvarritet në jetë, të rrijë qosheve, të harrohet nga njerëzit dhe të kënaqet me një pension të përshtatshëm, apo to përpiqet të ngrihet persëri në këmbë, të hyjë në shoqëri. Punëtori Din Hyka i romanit ,,Përsëri në këmbë” të Dh. Xhuvanit zgjedh rrugën e dytë. Kjo është rrugë e vështirë, plot dhimbje fizike e kontradikta morale, por rrugë ngjitjeje drejt kënaqësisë më sublime që mund të ketë njeriu, kur mposht fatkeqësinë, kur del në radhët e para të jetës dhe kur nuk le të thyhen ëndrrat, pasionet, kur, me në fund, pas shumë përpjekjesh provon përsëri, me forcë të përtërirë bukurinë e ndjenjës së krijimit.
Karakteri i Din Hykës është dhënë me realizem, në situata të besueshme, plot dhimbje fizike e morale, me disa nota të kuptueshme dëshprimi e mosbesimi në vetvete dhe me epërsinë e plotë e të padiskutueshme të tij morale. Me që përshkrimi është realist, pa një bashkim mekanik gjendjesh të ndryshme shpirtërore, por me një rrjedhë të natyrsbme, që rrokin dialektikën e ndjenjës dhe të veprimit, edhe optimizmi, mposhtja e fatkeqësisë, guximi i heroit janë krejt të besueshme dhe emocionuese.
Lufta e Din Hykës, si luftë e një njeriu me vullnet të hekurt, drejtohet edhe kundër qëndrimit burokrat e teknokrat, sipas të cilit nenet dhe rregulloret nuk e parashikojnë që të lësh librezën e pensionit dhe të hysh në punë. Për disa mehmurë duket e çuditshme kur dalin njerëz të zhveshur nga interesi i vogël vetjak dhe përqafojnë interesa të mëdha shoqërore. Për njerëzit e rinj revolucionarë, do të ishte vdekje, shtypje e vazhdueshme shpirtërore, po të izoloheshin nga shoqëria, të bënin një jetë të vogël, kundër dëshirave dhe idealit të tyre.
Romani ,,Përsëri në këmbë” është shkruar thjeshtë, natyrshëm pa skena të papritura dhe pa momente që mund të zgjonin vetëm një kuriozitet të jashtëm. Përshkrimi psikologjik dhe monologjet e brendshme jepen më mirë se sa dialogu. Stili, ndonëse i rrjedhshëm dhe me plasticitet, vende-vende mund të ishte më i punuar, fjala të zinte vend më mirë dhe të shmangeshin disa përshkrime të rëndomta. Por në tërësi vepra është koncize, pa zbukurime të jashtme dhe me një vështrim të brendshëm të jetës e të karaktereve. Disa figura të dorës së dytë kane mbetur të zbehta.
Romani i Dh. Xhuvanit ''Përsëri në këmbë” ngre lart epërsinë morale të klasës punëtore dhe tregon forcën shpirtërore të njeriut të sotëm.
Nëse doni analiza letrare të veprave tjera kliko mbi analiza letrare
Romani i Dh. Xhuvanit ''Përsëri në këmbë” ngre lart epërsinë morale të klasës punëtore dhe tregon forcën shpirtërore të njeriut të sotëm.
Nëse doni analiza letrare të veprave tjera kliko mbi analiza letrare
dhimiter xhuvani, perseri ne kembe analize, analize per romanin perseri ne kembe, dhimiter xhuvani analize letrare, analiza letrare per romanin perseri ne kembe, analiza per romane, analize letrare per romane, kritika per romane, analiza per romane, referate per romane, referate per vepra letrare
loading...
Lexo edhe: