Tirana Observer: “Xhemi Shehu dhe Arbana Osmani tregojnë shtëpinë ‘e kthyer përmbys’ nga fëmijët” plus 9 more
Tirana Observer: “Xhemi Shehu dhe Arbana Osmani tregojnë shtëpinë ‘e kthyer përmbys’ nga fëmijët” plus 9 more |
- Xhemi Shehu dhe Arbana Osmani tregojnë shtëpinë ‘e kthyer përmbys’ nga fëmijët
- Molla dhe bananet të mbrojnë nga sëmundjet e zemrës
- Agnesa atraktive me bikini në jaht
- Ashley Graham, modela XL mahnit me të brendshme rozë
- “Mic Sokoli” i kohëve moderne, ky është heroi që rrezikoi jetën për të ndalur trenin e Serbisë
- Historia e trishtë e 35-vjeçares: Si më trafikoi halla dhe më prostituoi ish-bashkëshorti
- Basha: T’i besosh Ramës për zgjedhje të lira, njësoj si ta besosh për Elvis Roshin
- Nuk i japin rrogën/ Rrëfimi drithëruesi i afrikanit të Sopotit: Luaj pa ngrënë, nuk kam para të kthehem në shtëpi
- FOTO / Ministri Bushati në një vizitë surprizë në Iran: Po shkrihen akujt?
- Majko “paralajmëron” Nikoliçin: Shqiptarët kanë një të metë, janë më të aftë në luftë se sa në paqe
Xhemi Shehu dhe Arbana Osmani tregojnë shtëpinë ‘e kthyer përmbys’ nga fëmijët Posted: 15 Jan 2017 09:49 AM PST Shtëpitë tona, shpeshherë janë të ҫrregullta, me rroba të shpërndara gjithandej, lodra të thyera, enë të palara, ushqim mbi tapet etj. – kjo është jeta e vërtetë e të gjithëve. Por nëse në shtëpi keni edhe të paktën një fëmijë, atëherë gjithҫka mund të imagjinohet se si duket. Incidentet janë fare të zakonshme, po aq sa edhe rrëmuja. Një shtëpi me fëmijë nuk është asgjë më shumë veҫse një uragan gati për të shpërthyer në ҫdo kohë. Në një kolazh fotosh të publikuara së fundi nga shumë prindër (edhe te famshem) në profilet e tyre sociale, zbulohet si është jeta e vërtetë e një shtëpie me fëmijë – e rrëmujshme, por e mbushur me shumë lumturi.
|
Molla dhe bananet të mbrojnë nga sëmundjet e zemrës Posted: 15 Jan 2017 09:12 AM PST Përdorimi i mollës ul në mënyrë të dukshme rrezikun e sëmundjeve të zemrës dhe mban konstante vlerat e sheqerit në gjak duke ndihmuar kështu në sëmundjen e diabetit, apo të hemorragjisë cerebrale. Bananet, një tjetër ushqim shumë i mirë për të luftuar sëmundjet e zemrës, janë shumë të rëndësishme kundra hemoragjisë cerebrale, ulin tensionin e lartë të gjakut, zbusin urthin e stomakut, ndihmojnë kundra diaresë. |
Agnesa atraktive me bikini në jaht Posted: 15 Jan 2017 08:36 AM PST Agnesa Vuthaj duket se nuk e ka ndërmend të lëshojë fronin e më të bukurës dhe më atraktives.Një nga femrat më seksi shqiptare po tregon se vitet nuk luajnë rol për të. Konstatimi qëndron nëse shikohet fotoja e fundit e postuar në Instagram nga vet bukuroshja me të cilën uron ditëlindjen e një prej shoqeve të saj. Ajo shihet në bikini duke shijuar rrezet e diellit në një jaht, duke u shfaqur tejet seksi. Agnesa vazhdon të jetë 'single' dhe për një lidhje ende nuk ka folur publikisht. |
Ashley Graham, modela XL mahnit me të brendshme rozë Posted: 15 Jan 2017 08:03 AM PST Ashley Graham ka treguar format e saj trupore në një tjetër set fotografik shumë seksi. Modelja 29-vjeçare u bashkua me markën kanadeze "Addition Elle" për herë të 12 dhe shkëlqeu në fotot me të brendshme. Bukuroshja amerikane, e cila ka dalë në kopertinat e revistave si "Style Magazine", "Elle Quebec", "Vogue" dhe "Harper’s Bazaar", në njërën nga fotot shihet e shoqëruar edhe nga dy modelë me kostume dhe maska. |
“Mic Sokoli” i kohëve moderne, ky është heroi që rrezikoi jetën për të ndalur trenin e Serbisë Posted: 15 Jan 2017 07:55 AM PST Tentativa e Serbisë që pas 18 vjetësh të vinte në qarkullim trenin në linjën Beograd- Mitrovicë, nuk u realizua. Treni, i cili mëngjesin e djeshëm u nis nga Beogradi për në Mitrovicë plot me parrulla kundër shtetit të Kosovës, është kthyer në Beograd pasi ndaloi në stacionin në Rashkë. Njësitet speciale të Policisë së Kosovës, ROSU, me armatim të rëndë dhe me veshje kundër trazirave, u vendosën dje në një stacion treni në Jarinjën e Poshtme. E, përveç forcave ROSU të cilat u përshëndeten nga të gjithë qytetarët për veprimin e tyre, në ndaljen e trenit ishte edhe një tjetër 'hero'. Gani Bullatovci është heroi i dytë i ditës së djeshme i cili i kishte vënë vetes një synim që do ta ndalonte trenin që ishte nisur nga Beogradi për në Mitrovicë, transmeton Telegrafi. Bulltavoci i cili ka më shumë se 30 vite që punon si makinist në Hekurudhat e Kosovës, ditën e djeshme u përball me një rrezik të madh nën përkushtimin për t'i dalë zot shtetit. Ai drejtoi lokomotivën 007 në drejtim të veriut të Kosovës për t'i dalë përball trenit serb e për ta ndalur atë. Bullatovci ka bërë të ditur se ndjehet krenar për këtë që ka bërë pasi, sipas tij, ky ishte obligim moral ndaj shtetit. Ky mund të ketë qenë plani tjetër i rrezikshëm i shtetit të Kosovës për të parandaluar arritjen e trenit në Mitrovicë. |
Historia e trishtë e 35-vjeçares: Si më trafikoi halla dhe më prostituoi ish-bashkëshorti Posted: 15 Jan 2017 07:36 AM PST Përballë me kangjellat e terminalit të trag eteve, në krah të rrugës së re të portit të Durrësit është ndërtuar një barakë prej druri dhe copa eterniti. Brenda në barakë gjendet një krevat, një mangall qymyri, disa qirinj, një qese plastmasi me rroba, një pjatë dhe një lugë. Kjo është e gjithë pasuria që ka 35-vjecarja Admirana Topalli, nënë e një vajze 15-vjecareje, por fytyra e saj tregon dy dekada më e madhe në moshë. Në të ftohtin e acartë të këtij dimri 35-vjeçarja kërkon ndihmë (të punësohet), pasi streha e saj pritet do të shembet si ndërtim pa leje. Fati është treguar mizor me këtë grua, pasi i është dashur të lypë dhe të prostituojë për të mbajtur frymën gjallë. E lindur në Suç të Burrelit, 20 vite më parë ajo u dërgua në Durrës, me qëllim trafikimin për prostitucion. "Isha vetëm 15 vjeçe kur halla ime më solli në Durrës. Më tha do të të martojmë. Ajo më la tek një burrë, i cili donte të më trafikonte në Greqi për prostitucion. Më pas, ai më shiti tek një burrë tjetër, i cili fillimisht më mbajti për grua dhe linda një fëmijë. Pas lindjes së vajzës, ish-bashkëshorti im më nxori në rrugë si prostitutë", kështu deklaroi dje për "Gazeta Shqiptare", Admirana Topalli. Por, fati i keq e ka ndjekur nga pas vajzën nga Suçi i Burrelit, e cila ndonëse u shit nga halla e saj, i ktheu "shpinën" familja e saj duke e lënë në mes të katër rrugëve. 35-vjeçarja dje rrëfeu me detaje të gjithë historinë e saj, ndërsa pohoi se u detyrua të hiqte dorë nga e bija, duke e birësuar atë tek një çift nga Elbasani. HISTORIA "Po ta mbaja, do bëhej njësoj si unë. Ja dhashë çiftit Kiptiu nga Elbasani. Ata jetojnë në Itali. Unë nuk mund t'i siguroja time bije asgjë, as bukë thatë", u shpreh mes lotëve 35-vjeçarja. E braktisur nga prindërit, motrat dhe vëllezërit, Admirana Topalli është detyruar të lypë, të prostituojë dhe të flejë rrugëve e poshtë urave. Aktualisht, ajo e mban frymën gjallë duke lypur dhe duke rrëmuar në kazanët e plehrave. Për disa vite, ajo ka punuar në ndërmarrjen e pastrimit të qytetit bregdetar, por e kanë hequr nga puna për shkak të mungesës së dokumentacionit. Topallit i është kërkuar që të bëjë transferimin e saj në Durrës me dokumentacion që të përfitojë ndihmë ekonomike. APELI PËR NDIHMË "Kam vajzën, mbase bëhet e gjallë e më kërkon një ditë. Mbase i dhimbsem e më gjen, se edhe pak do e rritet. Unë nuk dua të lyp rrugëve, por dua ta fitojë bukën e gojës me djersë. U bëj apel drejtuesve të Bashkisë së Durrësit që të më punësojnë në ndërmarrjen e pastrimit të qytetit, aty ku kam punuar për disa vite. Nuk kam asnjë kërkesë tjetër, sepse po të jem në punë, do të mund të siguroj një strehë ku të fus kokën. Nuk do të detyrohem të lypë dhe do të jetoj pa ia shtrirë dorën askujt", 35-vjeçarja, e cila është përballur me të gjitha frikërat e jetës, nuk kërkon as ndriçim, as ujë, as tualet, as rroba, as sobë, as shtëpi, pavarësisht se të gjitha këto i mungojnë në barakën ku kalon ditënetët. Ajo kërkon vetëm një punë. |
Basha: T’i besosh Ramës për zgjedhje të lira, njësoj si ta besosh për Elvis Roshin Posted: 15 Jan 2017 06:56 AM PST Kryetari i Partisë Demokratike Lulzim Basha ka reaguar pas dështimit të komisionit për reformën zgjedhore. Në një status në Facebook, kreu i demokratëve ka përsëritur edhe njëherë kërkesën që të aplikohet votimi dhe numërimi elektronik në zgjedhjet e 18 qershorit. Sipas Bashës, kjo skemë garanton zgjedhje të lira dhe të ndershme dhe ka kosto më të ulët ekonomike. Kryetari i PD ka bërë edhe një paralelizëm se të besosh Edi Ramën që do garantojë zgjedhje të lira është njësoj ta besosh kur thotë se Elvis Roshi është i ndershëm. Elvis Roshi u shkarkuar nga posti i kryebashkiakut të Kavajës pasi rezulton me të kaluar kriminale në bazë të ligjit të dekriminalizimit. Reagimi i Lulzim Bashës për reformën zgjedhore: Ka një mënyrë qe të mos vidhen zgjedhjet dhe të respektohet vota e qytetarëve: votimi dhe numërimi elektronik. Është i thjeshtë, i pamanipulueshëm, i provuar dhe plotësisht i realizueshëm dhe me kosto më të ulët se sistemi që kemi. Votimi elektronik zgjidh shumicën e problemeve që kemi patur përherë me zgjedhjet. Zgjedhje të ndershme pa votim elektronik mund të ketë aq sa ka sot shëndetësi falas. Të besosh tek Edi Rama për zgjedhje të ndershme pa votim elektronik është njësoj sikur t'i besosh fjalëve të Edi Ramës se Elvis Rroshi është i pastër dhe i ndershëm. |
Posted: 15 Jan 2017 06:52 AM PST Katër muaj pa u paguar, i ushqyer keq dhe vuajtje deri në kufijtë e mbijetesës. Nuk bëhet fjalë për ndonjë azilant lufte në kampet e Europës apo për të pastrehë që janë të shumtë në rrugët e kryeqytetit shqiptar. Është historia e rrallë dhe rrëqethëse e një futbollisti nga Kameruni. Bëhet fjalë për Janot Tadjong, i cili në verë iu bashkua Sopotit të Librazhdit për të vazhduar karrierën. 23-vjeçari, që luante në Tailandë, zgjodhi Shqipërinë me synimin që më tej të luante në ndonjë kampionat tjetër në Europë. Por, mesfushori nuk e kishte imagjinuar se, pas katër muajsh në vendin tonë, jo vetëm që nuk do të realizonte ëndrrën për të cilën kishte ardhur, por do të përfundonte deri në pikën për të diskutuar mbijetesën. Në një rrëfim për gazetën "Panorama Sport", Tadjond vendos t'i rrëfejë të gjitha. "Dy javë përpara ndeshjes së fundit me Turbinën kam mbijetuar duke ngrënë çdo ditë sanduiç. Paratë që kisha grumbulluar, i shpenzova në dy muajt e parë. Kam mbetur pa asnjë shpresë në Tiranë. Vazhdoj të jetoj vetëm falë zemërgjerësisë së disa miqve të mi, të cilët më sigurojnë vaktet e ditës. Kërkoj paratë e mia dhe asgjë më shumë", deklaron ndër të tjera kamerunasi që nuk i përmban dot lotët. Janot, si ndodhi që nisët një aventurë në Shqipëri pas disa sezonesh eksperiencë në Tailandë? Ëndrra e çdo futbollisti janë kampionatet europiane të futbollit. Me anë të menaxherëve, mora një ofertë për të udhëtuar drejt Shqipërisë, për të luajtur në kampionatet shqiptare. Duke e parë si një shtysë për një të ardhme më të mirë u nisa drejt Shqipërisë dhe kur arrita, mësova se ekipi im do të ishte Sopoti. Kampionatin shqiptar nuk e njihja fare, por më pëlqejnë sfidat dhe prandaj pranova. Si ju duk Shqipëria dhe kampionati shqiptar, arritët të ambientoheshit pas 4 muajsh? Nuk ishte ajo që kisha ëndërruar dhe imagjinuar unë. Kampionatin shqiptar e mendoja ndryshe, me më shumë para dhe më shumë përgjegjësi, por nuk qenka kështu. Njerëzit që më rrethojnë po, ata janë të afrueshëm dhe më kanë ndihmuar në çdo aspekt, por eksperienca futbollistike është një katastrofë. Nuk kam mundur të luaj aq sa kam dashur, pasi kam pasur edhe disa probleme për sa i përket dokumentacionit dhe kjo më ka penalizuar jo pak. Por, çfarë të bësh, ndonjëherë gjërat nuk shkojnë ashtu si ne e kemi imagjinuar dhe menduar. Gjithsesi, mendoj se kjo eksperiencë jo e mirë në Shqipëri do të më shërbejë për diçka. Nga fotot tuaja në profilin e "Facebook"- ut, duket që keni një fizik mjaft të përgatitur, i palestruar dhe plot energji. Nuk mendonit se ishit i aftë për një skuadër të një niveli më të lartë se Sopoti? Futbolli tajlandez vërtet nuk ka ndonjë nivel për t'u admiruar, por ama përgatitja në stërvitje dhe forca fizike e lojtarëve është e madhe. Veç stërvitjes në grup, në skuadër na detyronin të bënim edhe palestër, çka më ka bërë të kem një trup të tillë që këtu në Shqipëri po filloj ta humbas. Te Sopoti ka pasur probleme financiare këtë fazë të parë të kampionatit. Sa ka rënduar kjo te ju? Shoh që jeni i informuar për situatën, e cila ka ndikuar keq te të gjithë ne futbollistët, sidomos tek unë. Erdha nga larg për një ëndërr, por po i shtyj muajt nga halli, pasi gjendem në një situatë katastrofike financiare. Nuk jam paguar për asnjë muaj, edhe pse kam katër muaj te Sopoti që stërvitem e luaj. Dy muajt e parë i kam shtyrë duke shpenzuar nga paratë që kisha me vete kur erdha me shpresën se një ditë do t'i kompensoja kur të më paguanin. Por, kjo ende nuk ka ndodhur dhe vazhdoj të qëndroj në Tiranë pa asnjë shpresë. Si ia bëni që të mbijetoni në Tiranë kur ende nuk jeni paguar asnjë muaj dhe i keni harxhuar edhe paratë që keni pasur kur keni ardhur? Këto dy muajt e fundit jam sajuar me çfarë të mundem. Shokët më kanë ndihmuar shumë. Një njeri i veçantë për mua, të cilit nuk dua t'ia përmend emrin, më ka ftuar në shtëpinë e tij çdo darkë duke më siguruar vaktin. Dhe, për më shumë se dy muaj, e kam siguruar darkën me anë të këtij shoku që zoti ia shpërbleftë gjithçka ka bërë për mua. Ndërsa vaktet e tjera m'i kanë siguruar miq të tjerë. Dikush më fton për drekë, ndërsa një tjetër për kafe dhe kështu kam arritur të mbijetoj. Një periudhë kur edhe shokët e mi të dhomës nuk kishin marrë as ata pagat, kemi qenë shumë keq. Dy javë para ndeshjes me Turbinën që ishte e fundit për vitin e kaluar, kemi jetuar vetëm me sanduiçë që na i ofroi pronari i picerisë poshtë shtëpisë, pasi e dinte hallin tonë. Ndërsa ditën e ndeshjes kemi shkuar pa ngrënë asgjë. Dhe, për çudi, fituam. Të gjithë bënim shaka kur u kthyem nga ndeshja që si arritëm të fitonim, edhe pse nuk kishim ngrënë. Para ndeshjes lojtarët e tjerë morën të gjithë paratë, përveç meje. Nuk e di pse nuk m'i dhanë, por kam besim që do t'i marr një ditë. Si e mendoni se do të zgjidhet çështja juaj, pasi duket se jeni në gjendje kritike? Pa marrë paratë, nuk kam ku shkoj. Nuk mund të kthehem në shtëpi pa u çuar familjarëve para, pasi ata presin nga unë. Në këto muaj veçse u kam marrë dhe nuk u kam dërguar asnjë lek. Nuk mund të shkoj e t'u them që në Shqipëri nuk më paguan. Do pres të rifillojmë përgatitjet dhe kam besim se do t'i marr paratë e mia. Zoti është i madh, do mendojë dhe për mua. Ai ka një zgjidhje për të gjitha situatat. Drejtuesit çfarë ju kanë thënë? Më kanë thënë që ekipi ka pasur disa probleme financiare dhe së shpejti do t'i zgjidhin. Jam në pritje, pasi pa para nuk kam ku të shkoj. Pres që ekipi i Sopotit të bëjë punën e tij dhe të më paguajë gjithçka më detyrohet, asgjë më shumë. Kam menduar që të filloj të bëj ndonjë punë tjetër sa për të mbijetuar, por nuk më ka ofruar njeri. Mbase prej ngjyrës së lëkurës, nuk e di. Nëse do ta kthenit kohën pas, çfarë do të kishit bërë, do kishit udhëtuar drejt Shqipërisë? Ndoshta për të gjetur nuse, por për futboll kurrë më. |
FOTO / Ministri Bushati në një vizitë surprizë në Iran: Po shkrihen akujt? Posted: 15 Jan 2017 06:49 AM PST Duket se akujt po shkrijnë mes dy Tiranës dhe Teheranit. Sipas njoftimin të MPJ, me ftesë të homologut Iranian Mohammad Javad Zarif, Ministri i Punëve të Jashtme Ditmir Bushati zhvilloi një vizitë zyrtare në Teheran. Gjatë vizitës së tij dy ditore, Ministri Bushati zhvilloi takime me Presidentin Rouhani, homologun e tij Zarif, Kryetarin e Grupit Parlamentar të miqësisë Iran-Shqipëri, Kryetarin e Dhomës së Tregtisë, Bujqësisë dhe Minierave si dhe Kryetaren e Agjencisë për Trashëgiminë Kulturore dhe Turizmin. Në takimin që iu rezervua nga Presidenti Hassan Rouhani u ra dakord mbi nevojën e rritjes së bashkëpunimit midis dy vendeve në fusha me interes të përbashkët. Ministri Bushati shprehu vlerësimin për rolin e qeverisë iraniane dhe vetë Presidentit në arritjen e marrëveshjes për programin bërthamor të Iranit me aktorët ndërkombëtarë, si një marrëveshje në shërbim të sigurisë dhe paqes në botë. Presidenti Rouhani vlerësoi miqësinë mes dy popujve si dhe nënvizoi rëndësinë e shfrytëzimit të potencialeve për të zhvilluar më tej marrëdhëniet dypalëshe. Gjatë takimit mes dy ministrave të jashtëm, palët nënshkruan një Memorandum mirëkuptimi për konsultimet diplomatike. Duke vlerësuar hapat për rigjallërimin e marrëdhënieve dypalëshe, dy ministrat ranë dakord mbi nevojën për të forcuar kuadrin ligjor të bashkëpunimit, në mënyrë të veçantë në fushën e shkëmbimeve tregtare, turizmit dhe kulturës. Në këtë kontekst, bashkëpunimi parlamentar u konsiderua si element i rëndësishëm në marrëdhëniet mes dy vendeve. Dy palët vlerësuan gjithashtu rëndësinë e vendosjes së kontakteve dhe inkurajuan shkëmbimin e informacioneve mes komuniteteve të biznesit të të dy vendeve. Ministrat shkëmbyen pikpamje dhe qëndrime rreth zhvillimeve ndërkombëtare, veçanërisht situatën në Lindjen e Mesme, luftën ndaj terrorizmit dhe nevojën për përpjekje të përbashkëta të bashkësisë ndërkombëtare për t'u përballur me këto sfida. Në të gjitha takimet Ministri Bushati parashtroi kërkesën ndaj qeverisë së Iranit për njohjen e Kosovës si një hap tejet i rëndësishëm për forcimin e stabilitetit në rajonin e Europës Juglindore. Më 31 Tetor 2016, presidenti i Republikës Islamike të Iranit z. Hasan Ruhani, në takim me ambasadorin e akredituar të Shqipërisë z. Genti Gazheli, duke theksuar se Irani dhe Shqipëria kanë shumë të përbashkëta kulturore dhe fetare, shtoi: "Republika Islamike e Iranit dëshiron zgjerimin e marrëdhënieve dypalëshe dhe krijimin e një zhvillimi pozitiv në marrëdhëniet ekonomike, kulturore, shkencore dhe turistike me Republikën e Shqipërisë." Duke theksuar se ekzistojnë potenciale të mëdha për thellimin e marrëdhënieve ekonomike dhe tregtare mes dy vendeve, presidenti Ruhani kërkoi shfrytëzimin e këtyre potencialeve në interes të dy shteteve dhe dy popujve si dhe ceku nevojën e prezantimit të kapaciteteve të investitorëve dhe kompanive shtetërore e private të Iranit dhe Shqipërisë", raporton agjencia e lajmeve iraniane në shqip, Parstoday.com. |
Majko “paralajmëron” Nikoliçin: Shqiptarët kanë një të metë, janë më të aftë në luftë se sa në paqe Posted: 15 Jan 2017 06:41 AM PST Ish-kryeministri i Shqipërisë gjatë Luftës së Kosovës, Pandeli Majko, ka reaguar ndaj deklaratave të Presidentit serb Nikoliç që paralajmëroi për luftë. Përmes një postimi në Facebook, Majko thekson se shqiptarët kanë një të metë kombëtare, që janë më të aftë në luftë se sa në paqe. "Serbia nëpërmjet deklarimeve të presidentit të saj ka deklaruar se "do të dërgojë ushtrinë" në Kosovë. Një deklarim i tillë ka kohë që nuk dëgjohet nga politika serbe. Kjo mënyrë sjellje pati pasojë gjakosjen e rajonit dhe dërgoi në Gjykatën e Hagës lidershipin e Beogradit. Të thuash dhe të bësh, janë dy gjëra të ndryshme në politikë. Historia ja ka dhënë serbëve dhe shqiptarëve mësimet e saj. Dialogu është opsion i zgjidhjeve europiane dhe ka raport me të vërtetën e paqes që duan kombet në rajon. Kjo e vërtetë fton gjakftohtësinë të kuptojë. Politikan nuk të bën lufta. E kundërta është e vërtetë. Trim nuk të bëjnë deklaratat e luftës. Kjo është po aq e vërtetë sa fakti se një tren nuk bëhet kishë me piktura fetare. Të kuptuarit e luftës është akt dhe jo deklaratë. Kjo do pak mencuri në të kuptuar, e cila kombit serb, si rregull, nuk i ka munguar. Për më tepër, shqiptarët kanë një të metë kombëtare. Ata janë më të aftë në luftë se sa në paqe. Sigurisht", shkruan Majko. |
You are subscribed to email updates from Tirana Observer. To stop receiving these emails, you may unsubscribe now. | Email delivery powered by Google |
Google Inc., 1600 Amphitheatre Parkway, Mountain View, CA 94043, United States |
Lexo edhe: