RTSH: “Basha : Të hënën do të bllokojmë trafikun kombëtar!” plus 9 more |
- Basha : Të hënën do të bllokojmë trafikun kombëtar!
- KQZ, debate të forta pas kërkesës së maxhorancës për shtyrjen e afatit të rregjistrimit të koalicioneve në zgjedhje, por nuk merr vendim
- Zgjedhja e presidentit, dështon dhe mundësia e dytë
- Serbi; Protestat kundër Vuçiç
- SHBA; Administrata Trump për Iranin
- Protestat kundër Presidentit në Venezuelë
- Një bombë artizanale shpërthen në Athinë
- Zgjedhjet në Kavajë, Shehi i PS përballë Hakës të kandiduar nga zgjedhësit
- Rama : Nuk ka shans të destabilizohet Shqipëria!
- Ekonomi për RTSH: Turizmi – kontribues i rëndësishëm në ekonominë shqiptare
| Basha : Të hënën do të bllokojmë trafikun kombëtar! Posted: 20 Apr 2017 12:05 PM PDT Opozita shqiptare po përgatitet të intensifikojë protestën qytetare në të gjithë Shqipërinë, për të detyruar kryeministrin Rama të japi dorëheqje dhe në vend të krijohet një qeveri teknike që do të çojë vendin në zgjedhje. Kreu i PD Lulzim Basha ftoi të enjten në mbrëmje përkrahësit e tij që të hënën në orën 11 të bllokojnë trafikun kombëtar në të gjithë Shqipërinë. “Kjo është një orë e madhe solidariteti kombëtar, i shqiptarëve të bashkuar ndaj kastës së korruptuar të republikës së vjetër, se kurrë më nuk do të ketë tërheqje, kompromis dhe as pazar me interesat e republikës së vjetër, por vetëm qëndresë deri në hedhjen e themelit të republikës së re që janë zgjedhjet e lira dhe të ndershme” tha zoti Basha para përkrahësve që brohorisnin emrin e tij. Sipas zotit Basha ky do të jetë fillimi i një aksioni që do të kulmojë më 7 maj në zgjedhjet në Kavajë. “Ne nuk do t’ja dorëzojmë më Kavajën krimit dhe drogës” tha ai. Në harkun kohor të dy muajve kjo është thirrja e dytë për veprime radikale që bën lideri i opozitës. Pak ditë pas fillimit të protestave në bulevard, zoti Basha tha : "Doni luftë, luftë do të ketë. Qytetarët do të fitojnë. Shpojuani gomat e makinës, thejuani dritaret, nxirrini nga zyrat atyre që ju shkelin të drejtat tuaja. Ngrihuni, protestoni, reagoni". Policia e paditi zotin Basha për thirrje të dhunshme dhe prokuroria nisi hetimin penal. |
| Posted: 20 Apr 2017 06:57 AM PDT KQZ, organi i vetëm që administrion proceset zgjedhore në Shqipëri, është përfshirë nga polemikat pas kërkesës të PS dhe LSI për shtyrjen me një javë të afatit të rregjistrimit të koalicioneve zgjedhore, kërkesë që ka ngjallur kundërshtimin e ashpër të opozitës. |
| Zgjedhja e presidentit, dështon dhe mundësia e dytë Posted: 20 Apr 2017 06:19 AM PDT Parlamenti shqiptar ka konsumuar të enjten pas sukses edhe mundësinë e dytë për zgjedhjen e kreut të ri të shtetit. Edhe në këtë seancë nuk u paraqit asnjë kandidat. Sipas ligjit shqiptar seanca megjithatë quhet e ezauruar. Ky zhvillim ishte i pritshëm. Maxhoranca thotë se po përpiqet të bindë opozitën të përfshihet në diskutime për gjetjen e një presidenti konsensual. Kjo u përsërit me këmbëngulje të enjten në seancë plenare nga kryeministri Edi Rama. “Ne kemi hyrë për bashkëpunim, konsensus dhe dialog” tha nga ana e tij edhe kreu i parlamentit Ilir Meta pas seancës. Por nga ana e saj opozita nuk ka reaguar. Seanca e rradhës pritet të zhvillohet të enjten e ardhshme më 27 prill në orën 15. Ndërkohë në media spekullohet me emra të ndryshëm kandidatësh, por ata duken më tepër si krijime mediatike se propozime konkrete. |
| Posted: 20 Apr 2017 05:43 AM PDT Pavarësisht shiut dhe motit të ftohtë, disa qindra njerëz morën pjesë në protestën në Beograd të mërkurën mbrëma. Ishte kjo dita e 17-të e demonstratave kundër partisë në pushtet. Demonstratat kundër, "diktaturës" sic shprehen te pranishmit kanë nisur në Beograd dhe qytete të tjera të Serbisë më 3 prill, një ditë pasi kryeministri Aleksandar Vuçiç fitoi zgjedhjet presidenciale. Protestuesit thanë se kërkojnë lirinë e medias, shkarkimin e “elitës politike” të udhëhequr nga Vuçic, heqjen e “të gjithë zyrtarëve të korruptuar”, si dhe zgjedhje “të drejta dhe të lira”. Ndërsa protesta përfundoi para Parlamentit serb, organizatorët njoftuan se ajo do të rifillojë sonte. |
| SHBA; Administrata Trump për Iranin Posted: 20 Apr 2017 05:36 AM PDT Administrata Trump duket se ka ndërmend të ndryshojë krejtësisht linjën e politikës së jashtme në raport me Iranin, ndërsa në një konferencë për mediat, Sekretari amerikan i Shtetit, Rex Tillerson, është shprehur se qeveria iraniane po kryen veprime provokuese që rrezikojnë të destabilizojnë Lindjen e Mesme, duke prekur kështu jo vetëm interesat e Shteteve të Bashkuara, por edhe të mbarë botës. Numri një i diplomacisë amerikane nuk kurseu as akuzat e ashpra, ndërsa e cilësoi Iranin si shtetin lider në financimin e terrorizmit. Kryediplomati tha gjithashtu se përballë një situatë të tillë, Uashingtoni nuk do të rrijë duarkryq dhe se po përgatit një plan veprimi. "Provat janë të qarta. Veprimet provokuese të Iranit kërcënojnë Shtetet e Bashkuara, rajonin dhe botën. Administrata Trump aktualisht po bën një rishikim gjithpërfshirës të politikave që kemi ndjekur me Iranin dhe sapo të kemi dalë në konkluzione, do të njotojmë linjën që do të mbajmë në të ardhmen, tha Tillerson. . Më tej, ai kritikoi edhe marrëveshjen bërthamore me Iranin, marreveshje e cila i ndaloi Teheranit zhvillimin e programeve për ndërtimin e armëve të shkatërrimit në masë. Në mbyllje, Sekretari amerikan i Shtetit nënvizoi se me këto ritme, qeveria iraniane do të rreshtohet përkrah qeverisë koreano-veriore. |
| Protestat kundër Presidentit në Venezuelë Posted: 20 Apr 2017 05:31 AM PDT Mijëra qytetarë në Venezuelë kanë protestuar kundër Presidentit, Nicolas Maduro, ndërsa gjatë demonstratave janë regjistruar të paktën tre viktima dhe dhjetëra të plagosur. Në rradhët e viktimave përfshihen dy studentë që kishin dalë për të protestuar, si dhe një anëtar i gardës kombëtare. Përplasjet kanë qenë mjaft të dhunshme. Demonstruesit kanë qëlluar me gurë dhe sende të tjera të forta në drejtim të forcave të sigurisë, ndërkohë që numërohen dëme të konsiderueshme si pasojë e zjarrvënieve dhe shkatërrimit të objekteve të ndryshme. Nga ana tjetër, edhe autoritetet kanë reaguar për të shpërndarë protestën ndërsa përdorën gazin lotsjellës dhe mjete të tjera. Nga ana tjetër, Presidenti Maduro mbajti një takim me mbështetësit e tij. Kreu i qeverisë fajësoi opozitën për viktimat, ndërsa tha se do të kërkonte arrestimin e liderëve opozitarë.Venezuela ka shënuar një rënie katastrofike në ekonomi. FMN ka parashikuar që inflacioni të arrijë në nivelin rekord , ndërkohë që në vend ka mungesë furnizimi edhe për ushqimet baze. Probleme të tjera madhore mbeten shkalla e lartë e kriminalitetit dhe korrupsioni. |
| Një bombë artizanale shpërthen në Athinë Posted: 20 Apr 2017 05:27 AM PDT Një bombë artizanale ka shpërthyer jashtë një banke në qendër të Athinës. Sipas policisë greke,çdo gjë ka nisur pak mbas orës 22:05, sipas orës lokale, kur një person ende i panjohur, për të cilin policia thotë se është terrorist marksist, telefonoi në redaksinë e një faqeje interneti lajmesh, për të paralajmëruar se një bombë do të shpërthente në filialin e “Eurobank” në qendër të Athinës, duke dhënë 35 minuta kohë për evakuimin e zonës. Policia që mbërriti menjëherë në zonë, mundi të gjejë mekanizmin shpërthyes, i cili ishte lënë në hyrje të bankës, prej dy personave të maskuar. Bomba shpërtheu në momentin që terroristët kishin paralajmëruar. Shpërthimi ishte mjaft i fuqishëm dhe dëmtoi fasadën e bankës si dhe xhamat e dyqaneve pranë filialit të bankës. |
| Zgjedhjet në Kavajë, Shehi i PS përballë Hakës të kandiduar nga zgjedhësit Posted: 20 Apr 2017 04:47 AM PDT Astrit Muharrem Haka dhe Klodian Agron Shehi do të jenë dy kandidatët që do të garojnë për kreun e Bashkisë së Kavajës në zgjedhjet e parakohshme që do të mbahen më 7 maj. Emrat e tyre u bënë të ditur të enjen në KQZ ku u prezantua fleta e votimit. Zoti Haka është kandidat i propozuar nga zgjedhësit, ndërsa zoti Shehi kandidat i propozuar nga PS. Opozita ka deklaruar se nuk do të marri pjesë në zgjedhjet lokale në Kavajë. Edhe LSI deri tani pjesë e maxhorancës ka deklaruar se nuk do të paraqesi kandidat. Pavarësisht këtyre zhvillimeve zgjedhjet në Kavajë do të jenë në qendër të vemendjes së politikës. Dikur i konsideruar bastion i PD, në dy zgjedhjet e fundit atje kanë fituar kandidatët e zgjedhur nga e majta. PD dhe opozita ka deklaruar se atje kanë fituar njerëz të inkriminuar të cilët ligji i dekriminalizimit i ka ndaluar. Ish kreu i Bashkisë Elvis Roshi, u ndalua ligjërisht të vazhdonte të ushtronte detyrën. PD dhe opozita kanë paralajmëruar më 7 maj, ditën e zgjedhjeve mbajtjen e një proteste masive në Kavajë. Por maxhoranca nga ana e saj është e bindur në fitore. |
| Rama : Nuk ka shans të destabilizohet Shqipëria! Posted: 20 Apr 2017 04:38 AM PDT Kryeministri socialist Edi Rama hodhi poshtë insinuatat për mundësinë e destabilizimit të Shqipërisë për shkak të marrëdhënieve të tensionuar mes maxhoancës dhe opozitës. “Të gjithë kërcënimet, insinuatat për të thënë se nëse PD nuk hyn në zgjedhje do të ndodhë ndonjë hata janë shprehje e të mbyturit që do të mbysë të gjithë. Nuk ka shans të destabilizohet Shqipëria! Nuk jemi në 1997!” tha zoti Rama duke folur të enjten në parlamentin shqiptar. ” Të gjitha përpjekjet për të goditur qeverinë dhe 18 qershorin janë në thelb përpjekje për të goditur stabilitetin e vendit dhe për ta futur Shqipërinë në një rrugë paqartësie ku gjithçka mund të ndodhë. Ju siguroj se asgjë nuk mund të ndodhë veç atë që përcakton Kushtetuta” shtoi më tej ai. |
| Ekonomi për RTSH: Turizmi – kontribues i rëndësishëm në ekonominë shqiptare Posted: 20 Apr 2017 04:09 AM PDT Me rreth 267 mijë të punësuar direkt dhe indirekt, turizmi cilësohet si një nga punëdhënësit më të rëndësishëm të ekonomisë shqiptare. Ai jep gjithashtu edhe një kontribut të konsiderueshëm në prodhimin kombëtar të vendit. Këto janë vlerësimet që Ministrja e Ministrisë së Zhvillimit Ekonomik, Tregtisë, Turizimit dhe Sipërmarrjes, znj. Milva Ekonomi ka bërë për këtë industri, në një intervistë të posaçme për Radio Televizionin Shqiptar. Zonja Ekonomi shton se vendi ka nevojë për investime në sektorin e akomodimeve turistike, sepse kapacitetet janë ende nën nivelin e ofertës turistike. Sipas "Turizmi është një veprimtari ekonomike që nuk mund të bëhet nga Qeveria, por është sipërmarrja private që ka një rol shumë të rëndëisishëm". Ajo mendon se ulja e TVSH-së për njësitë akomoduese pritet të sjellë uljen e çmimit të këtyre njësive për pushuesit shqiptarë dhe të huaj. Intervistën e ka realizuar gazetari i RTSH Bardhi Sejdarasi. |
| You are subscribed to email updates from RTSH-Radio Televizioni Shqiptar. To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |
Lexo edhe:
