Skip to main content

Ora News: “Turizmi, dyndje ruse në Shqipëri. Në Sarandë po blejnë shtëpi” plus 9 more

Ora News: “Turizmi, dyndje ruse në Shqipëri. Në Sarandë po blejnë shtëpi” plus 9 more


Turizmi, dyndje ruse në Shqipëri. Në Sarandë po blejnë shtëpi

Posted: 27 Jul 2017 11:43 PM PDT

Nga 1 janari deri më sot në Shqipëri kanë ardhur 437 mijë turistë pushues, pa llogaritur vizitorët.

I ftuar në emisionin "Debati në Channel One" të gazetarit Roland Qafoku, Drejtori i Agjensisë Kombëtare të Turizmit, Ardit Çollaku, deklaroi dje se shifra 1.5 miliardë euro nga të ardhurat e turizmit gjatë vitit 2016 pritet të rritet për vitin 2017 nga rritja e numrit të turistëve pushues por edhe vizitorëve.

Një element i ri i turizmit këtë vit është edhe zgjerimi hartës së pushuesëve që nis nga kontinenti aziatik deri në atë austrialian.

Por dyndja e rusëve në Shqipëri ka edhe një element jo pak të rëndësishëm. Në Sarandë janë afro 10 rusë që kanë blerë shtëpi.

A është ky një detaj për tu analizuar jo si një element pushimi por si një dyndje të krijimit të "bazave" ruse në Shqipëri?

Këtë nuk mund ta themi me siguri, por as nuk mund ta shpërfilim si një fakt kur synimi i ekspasionit rus në Ballkan nuk është më një teori në letër.

/Oranews.tv/

Të parët për lajmin e fundit. Ndiqni Oranews.tvFacebook dhe në Twitter

Çifti i showbizz i jep fund beqarisë, Turi: Të dua sa të jetë jeta

Posted: 27 Jul 2017 11:39 PM PDT

Këngëtarja e njohur Orinda Huta dhe moderatori Turjan Hyska i ka dhënë fund beqarisë dhe kanë kurorëzuar lidhjen e tyre 10-vjeçare në martesë.

Çifti i i famshëm janë martuar në një ceremoni ku kanë qenë të ftuar shumë emra të showbizz dhe kishin paralajmëruar një mbrëmje të mrekullueshme e plot surpirza. Dhe me të vërtetë ka qenë një natë e tillë.

Turi i ka kënduar një këngë surprizë të dashurës së tij të zemrës që i përloti të gjithë të ftuarit. Ai është shfaqur së bashku me Orindën në mes të skenës duke i dedikuar një këngë prekëse dhe i ka shprehur një dedikim: "Të dua sa një jetë".

 

/Oranews.tv/

Të parët për lajmin e fundit. Ndiqni Oranews.tvFacebook dhe në Twitter

I riu përplas të moshuarën dhe arratiset, policia e kap në Lungomare

Posted: 27 Jul 2017 11:37 PM PDT

Një e moshuar mbeti e plagosur mëngjesin e sotëm në një aksident rrugor.

Ngjarja ka ndodhur rreth  orës 06:35 në lagjen ”Pavarsia”,  tek ”Akademia e Marinës” ku  një automjet tip ” Renault”  ka goditur shtetasen R.I, 76 vjeçe, dhe është larguar.

Policia menjëherë i është vënë në ndjekje të tij dhe në vendin e quajtur ” Lungomare", ka bërë të mundur bllokimin e mjetit dhe të drejtuesit  A.L, 34 vjeç, banues në Vlorë.

E dëmtuara është transportuar menjëherë në Spitalin Rajonal Vlorë , të cilës i është dhënë ndihma e duhur mjekësore dhe gjendet jashtë rrezikut për jetën.

Grupi hetimor po vazhdon kryerjen e veprimeve të mëtejshme hetimore  për zbardhjen e plotë të rrethanave  të ngjarjes.

Drejtuesi i mjetit është shoqëruar në Komisariatin e Policisë për veprime të mëtejshme.

/Oranews.tv/

Të parët për lajmin e fundit. Ndiqni Oranews.tvFacebook dhe në Twitter

OSHEE punime në rrjet, disa zona në Tiranë pa energji

Posted: 27 Jul 2017 11:19 PM PDT

Një pjesë e mirë e kryeqytetit do të vuajë mungesën e energjisë elektrike përgjatë pjesë së parë të ditës, për shkak të punimeve në rrjet nga OSHEE.

Përmes një njoftimi për mediat, OSHEE bën me dije se në kuadër të investimit për "Montimi celave te automatizuara" (kabina me telekomandë) dhe vendosjes se rrjetit të ri 20 kV do të punohet sot në  kabinën “Sami frasheri 2” dhe për këtë arsye, do të stakohet energjia nga ora 9.00 deri në 14 .00.

Zona pa energji: pjesërisht rruga “Sami Frashëri”

Punime do të kryhen dhe në kabinën “Xibraku”, nga ora 09.00 deri në 11.00, dhe zonat që mbeten pa energji gjatë këtij intervali janë:Bar Restorant “Xibraku”, zona përreth deri te një pjesë e “Rrugë së Elbasanit”.

Gjithashtu në kuadër të planit për mirëmbajtjen e rrjetit dhe rritjen e sigurisë në furnizim, do të kryhet remont në fiderin e Rinasit dhe zonat që mbeten pa energji janë fshati Rinas dhe rethinat, Gjec Fushe dhe Nikel.

Remont do të kryhet dhe në fiderin 146 të N/St Valias dhe zonat që mbeten pa energji janë: Laknas dhe nje pjesë e zonës së Domjes, nga ora 9:30 deri ne 13:00.

/Oranews.tv/

Të parët për lajmin e fundit. Ndiqni Oranews.tvFacebook dhe në Twitter

Policia maqedonase në kërkim të dy agjentëve të arratisur

Posted: 27 Jul 2017 11:09 PM PDT

Dy ish-zyrtarë të lartë të Shërbimit të fshehtë maqedonas janë arratisur pasi Gjykata e Lartë e vendit e rikonfirmoi vendimin e Gjykatës themelore dhe të Apelit në Shkup për caktimin e masës së paraburgimit të tyre.

Goran Grujevski dhe Nikolla Boshkovski janë dy nga të akuzuarit e lëndëve gjyqësore të koduara si "Kështjella" dhe "Target" të Prokurorisë së Posaçme e që kanë të bëjnë me përgjimet e paligjshme të bisedave telefonike të mbi njëzet mijë qytetarëve të Maqedonisë.

Grujevski si ish-shef i Drejtorisë së pestë në Ministrinë e Punëve të Brendshme akuzohet edhe për fshirjen nga kompjuterët të bisedave të përgjuara dhe për shkatërrimin e pajisjeve të Drejtorisë për përgjim, në mënyrë që të mos lërë gjurmë të skandalit që u bë publik para më shumë se dy vjetësh.

Autoritetet policore maqedonase kanë kërkuar ndihmë nga Interpoli për gjetjen dhe kapjen e tyre, pasi ata nuk ishin gjetur në shtëpitë e tyre as në vendet ku policia mendonte se mund të ndodheshin. Sipas medies në Shkup, dy të kërkuarit kishin lënë telefonat celularë në shtëpitë e tyre për të pamundësuar identifikimin e vendndodhjes e tyre.

Prokuroria e Posaçme akuzon edhe një numër të madh ish-zyrtarësh qeveritarë, si ish-kryeministrtin Nikolla Gruevski, ish-ministrat Gordana Jankullovska, Mile Janakievski, Elizabeta Kançevska Milevska, Vllado Peshevski dhe ish-shefin e Shërbimit sekret Sasho Mijallkov.

Ky i fundit është në lidhje të afërta familjare me z. Gruevski. Për shumicën e tyre gjykatat në Shkup kanë urdhëruar vetëm "masat e kujdesit", apo marrjen e pasaportave dhe ndalimin e largimit jashtë shtetit si dhe paraqitjen e shpeshtë në gjykatë.

Por, asnjëri prej zyrtarëve të lartë të pushtetit të kaluar nuk është paraburgosur, me gjithë provat e shumta të Prokurorisë së Posaçme për përfshirjen e tyre në vepra jo të ligjshme dhe kriminale.

Partia opozitare VMRO-DPMNE akuzon Prokurorinë e Posaçme se, siç thuhet, është shndërruar në një mjet të Lidhjes Social Demokrate për përndjekjen e zyrtarëve opozitarë "vetëm për shkakun se ia kanë zënë rrugën politikës kundër-shtetërore dhe destruktivitetit të LSDM-së", ndërsa fajëson kryeministrin Zoran Zaev për planet "për shitjen e emrit të Maqedonisë"./VOA/

Të parët për lajmin e fundit. Ndiqni Oranews.tvFacebook dhe në Twitter

Tillerson: Do shërbej për aq kohë sa do Presidenti Trump

Posted: 27 Jul 2017 11:02 PM PDT

Sekretari amerikan i Shtetit Rex Tillerson komentoi publikisht për herë të parë lidhur me njoftimet se ai mund të largohet nga posti. Reagimi i tij erdhi ndërsa zhvillonte një takim me shefin e diplomacisë së Katarit.

Pas daljes para shtypit me Ministrin e Jashtëm të Katarit, Al Thani në Departamentin e Shtetit, zoti Tillerson reagoi kështu lidhur me aludimet se ai mund të largohet nga posti:

"Nuk do të shkoj gjëkundi."

Gazetarja : "Sa do qëndroni në detyrë ?"

Tillerson: "Për aq kohë sa më lejon presidenti."

Gazetarja : "Si i keni marrëdhëniet me presidentin ?"

Tillerson: "Të mira."

Media kishte aluduar se marrëdhëniet e zotit Tillerson me Shtëpinë e Bardhë ishin të tendosura si rezultat i dallimeve mes tyre.

Zoti Tillerson nuk foli për takimin me homologun nga Katari. Javën e kaluar ai tha se Uashingtoni ishte i kënaqur me përpjekjet e Katarit për të trajtuar shqetësimet rreth financimit të grupeve ekstremiste, ndërsa ai punon për të zgjidhur krizën aktuale diplomatike në Gjirin Persik. /VOA/

Të parët për lajmin e fundit. Ndiqni Oranews.tvFacebook dhe në Twitter

Nishani uron Bashën për rizgjedhjen dhe një mesazh për “kundërshtarët” e tij

Posted: 27 Jul 2017 01:41 PM PDT

Ish-Presidenti Bujar Nishani në një intervistë në "Arena" nga Dritan Hila në Ora News tha se askush në Partinë Demokratike nuk ka privilegjin për të përcaktuar vendimmarrjen e anëtarëve të kësaj partie, ndërsa uron zt.Basha për rizgjedhjen në krye të PD-së.

Pjesë nga deklarata: 

Hila: Si i gjykoni zhvillimet e fundit në Partinë Demokratike ku një grup personalitetesh të saj si Topalli, Patozi, Imami, Bregu, patën një përplasje me z.Basha. Mendoni se kjo e ka dobësuar Partinë Demokratike?

Nishani: Së pari është e drejta e gjithsecilit të shfaqë mendimet, mos pëlqimet, vërejtjet, kontestimet e tij. Emrat që përmendët janë njerëz që kanë pasur kontribute të gjata në Partinë Demokratike. Janë njerëz që kanë pasur edhe privilegje nga PD-ja, pra edhe kanë dhënë dhe kanë marrë. Unë jam njëri prej tyre që kam marrë shumë privilegje nga Partia Demokratike.

Më është dhënë mundësia që të bëhesha deputet. Nuk u bëra deputet vetëm me votën time dhe familjes sime. Më kanë dhënë privilegjin të bëhem ministër. Kam pasur privilegjin të bëhem President, sepse ka qenë vota dhe besimi i tyre që të bëhem unë President. Të gjitha këto janë besim dhe privilegj. Edhe këta zotërinj kanë marrë privilegje nga PD-ja. Unë besoj që nuk ka askush priviligjenin moral për të përcaktuar vendimmarrjen e anëtarësisë së Partisë Demokratike.

Ka të drejtën morale të thotë fjalën e vet. Por askush nuk mund të kundërvihet, anatemojë, vendimin, qëndrimin e anëtarësisë së PD-së. Është vetëm anëtarësia e PD-së, ata që na bënë ne ministra, që na bënë neve deputetë, e kështu me radhë, ata kanë të drejtën të përcaktojnë kush është kryetari i PD-së, ata kanë të drejtën të kenë alternativat. Kush kërkon dhe mendon se ka një alternativë për ta duhet të ofrohet, duhet të ketë gjithë aksesin për të paraqitur alternativën tek anëtarësia e PD-së, por askush nuk ka të drejtën morale të atakojë dhe të fyej qëndrimin dhe vendimmarrjen e anëtarëve të PD-së.

Hila: Nuk mendoni se do të ketë përplasje PS-LSI?

Nishani: Nuk ka rëndësi. Përplasja e LSI-së me PS-në nuk do të sjellë ndryshime në standardin ekonomik të Shqipërisë. Standardi ekonomik vjen nga qasja e politikave të qeverisë. Nga angazhimi i qeverisë, nga largpamësia e qeverisë. Përplasjet politike nuk thonë asgjë. Janë thjesht eksplodime partiake apo individuale që kanë qenë dhe janë normale. Pa dyshim është edhe situata shumë sfiduese që ka e djathta dhe pa dyshim Partia Demokratike që është forca kryesore e opozitës dhe së djathtës. Ka sfida të mëdha, është një proces prove shumë të fortë.

Unë e quaj pozitive mbylljen e procesit të brendshëm partiak se sa një zgjatje që do të ishte në dëm të PD-së në tërësi dhe në dëm të atmosferës së përgjithshme. I uroj suksese zt.Basha për rizgjedhjen në krye të Partisë Demokratike. Besoj që zt.Basha i ka të gjitha potencialet intelektuale dhe njerëzore për ta udhëhequr dhe drejtuar në rrugën e opozitarizmit të fortë PD-në dhe kur them opozitarizëm të fortë nuk kam parasysh vetëm thirrje dhe dhunë. Edhe thirrjet duhen.

Opozita e ka modelin e saj në çdo vend demokratik. Së fundmi kemi protesta të fuqishme në Poloni me qytetari. Presidenti i cili e mbronte deri para pak kohësh nismën ligjore, për shkak të presionit të madh qytetar i vuri veton nismës ligjore për sistemin e drejtësisë. E mora si shembull pa dashur të ndërhyjë në punët e brendshme të atij vendi.

E djathta në Shqipëri ka një provë dhe një sfidë shumë të madhe dhe besoj se i ka kapacitetet dhe mundësitë t'i japë Shqipërisë një opozitë të fortë, një alternativë shprese por gjithkush është në test. Qeverinë dhe kryeministrin nga njëra anë dhe opozitës nga ana tjetër. Shtatori duhet të nisë me një aksion të fortë opozitar. Janë shumë çështje përpara, reforma të mëdha, të cilat pa opozitën, qëndrimin e fortë profesional mund të krijojnë probleme serioze në tërë sistemin politik të vendit dhe institucional.

/Ora News.tv/

 

Të parët për lajmin e fundit. Ndiqni Oranews.tvFacebook dhe në Twitter

Nishani: Rama duhet të ndihet jo mirë për disa veprime ndaj Presidentit

Posted: 27 Jul 2017 01:40 PM PDT

Ish-presidenti Bujar Nishani i ftuar në "Arena" nga Dritan Hila në Ora News theksoi se Prokuroria ka bërë rezistencë ndaj ndërhyrjes brutale politike siç e cilëson ai, por nuk ka luftuar sipas Nishanit, sa duhet korrupsionin.

Ai thotë se Rama e përdori mënyrë spekulative dhe në mënyrën më mjeshtërore marrëveshjen e Lulzim Bashën, ndërsa shton se koha tregoi që ai kishte të drejtë për deklaratat ndaj kanabisit.

Duke u ndalur tek përplasjes midis institucionit të Presidencës dhe disa ministrave, Nishani veçoi veçanërisht problematikat me ish-ministrin e Brendshëm Saimir Tahiri dhe ministrin e Jashtëm Ditmir Bushati, ndërsa thekson se "nuk ka ministër që ka këllqe të injorojë institucionin e Presidentit".

Ai i kërkoi Ramës që të kishte më shumë vëmendje ndaj trupës diplomatike, duek theksuar se "Establishmenti shqiptaro-fobë është jashtëzakonisht aktiv jashtë".

Duke u ndalur tek ushtria, ish-Presidenti tha se ushtarakë shqiptarë nuk duhet të trajtohen si miq të oborrit.

Për sa i përket ekonomisë, Nishani u shpreh se ajo "vuan sepse nuk i shikojnë resurset, për shkak se na janë errur sytë nga korrupsioni, makutëria, nga keqbërja dhe nga heshtja".

I pyetur për marrëdhëniet me kryeministrin, Nishani tha se "Rama duhet të bëhet pishman dhe duhet të ndihet jo mirë për disa veprime dhe qëndrime në raport me Presidentin dhe pse jo edhe me Bujar Nishanin".

Nishani tha se katër vitet që vijnë do të jenë të vështira për shqiptarët në aspektin ekonomik dhe social.

Duke folur për situatën brenda Partisë Demokratike, Nishani uroi Bashën për rizgjedhjen në krye të PD-së, ndërsa theksoi se "askush nuk ka të drejtën morale të atakojë dhe të fyej qëndrimin dhe vendimmarrjen e anëtarëve të PD-së".

Ish-Presidenti tha se shtatori duhet të nisë me një aksion të fortë opozitar.

Intervista minutë pas minute:

Hila: Jemi në puntatën e fundit të sezonit dhe kemi zgjedhur që të bëjmë një intervistë me Presidentin e Republikës z. Bujar Nishani. Po drejtohem me titullin "Presidenti i Republikës "sepse edhe ne Shqiptarët duhet të mësohemi që: kur një personalitet kalon në disa funksione të caktuara, pra merr një titull që i mbetet për gjithë jetën.

Mirëserdhët z. President!

Nishani: Mirëmbrëma dhe faleminderit për ftesën. Ju keni plotësisht të drejtë kur thoni Presidenti i Republikës por duhet shtuar , nga viti 2012-2017 sepse tani kemi një President të ri. Të gjithë ato që kanë qenë President e ruajnë këtë titull por, për periudhën të cilën i kanë shërbyer Shqipërisë si President.

Ju faleminderit për ftësën, kënaqësi për mua

Hila: Faleminderit që erdhët. Në fakt kjo do jetë një intervistë më e ç'tensionuar sepse intervistën e fundit e bëmë në momentin që opozita ishte në çadër, ndërsa tani besoj dhe ju jeni më i relaksuar apo jo?

Nishani: Patjetër. Jam më i relaksuar sepse në fund të fundit i kam ikur përgjegjësive të drejtpërdrejta shtetërore, të cilat në postin e Presidentin janë shumë të mëdha edhe pse shpesh herë në rutinën e përditshme ato nuk përcillen tek publiku por, pesha e përgjegjësisë kur je Presidenti i Republikës apo kur je në funksione të larta shtetërore është shumë e madhe sepse mban mbi vete përgjegjësinë e ecurisë së shtetit dhe përgjegjësinë imazhit të shtetit dhe përmbushjes së funksionit. Përgjegjësia ishte shumë e madhe ndaj tashmë ndjehem shumë i çliruar nga kjo peshë në një farë mënyre.

Hila: Z. President si ishte dita e parë post presidenciale?

Nishani: Ka qenë një ditë e gjatë në shtëpi, me miq. Por natyrisht që është e vështirë të ambientohesh me tempin, kur je në një temperaturë shumë dinamik, me një axhendë strikte, me stafin të cilin duhet të komunikosh dhe për një kohë të gjatë. Papritur nuk e ke më atë dinamikë, atë temp dhe atë përgjegjësi strikte të paraqitjes të angazhimit të deklaratave. Padyshim ka një diferencë të madhe, por njeriu përshtatet, për më tepër që njeriu mendon se ka rëndësi sesi e mban veten të angazhuar në aktivitetin ditor.

Hila: Në fakt ju si personazh publik nuk keni qenë tipi që i keni "dhënë vetes". Keni qenë një njeri i thjeshtë dhe besoj se kjo j'ua ka lehtësuar atë kalimin nga President në fuqi, në ish President apo jo?

Nishani: Ju falënderoj për këtë konstatim dhe më vjen mirë që ka dhe personalitete të tilla si puna juaj që e konstatojnë këtë. Për herë të parë po e them se gjatë kohës unë nuk jam kujdesur të sponsorizoj imazhin apo prezencën formale, për të krijuar një imazh përmes sponsorizimit, përmes suportit jo normal .

Hila: Në fakt unë kam komunikuar gjithmonë direkt me ju dhe kjo ma ka krijuar atë përshtypjen

Nishani: Po, unë kam zgjedhur një mënyrë tjetër Dritan , që atë mungesë që e kam pasur për shkak të këtij sponsorizimi unë e kam zëvendësuar me komunikimin dhe me prezencës e drejtpërdrejtë tek njerëzit, e cila nuk ka qenë aq e dukshme sa mund të ishte paraqitja apo një formalitet I sponsorizuar , por ka qenë shumë më përmbajtësore dhe thelbësorë dhe jam I bindur që kamë zgjedhur mirë në këtë formë.

Hila: Z. Nishani një ish President Republike çfarë privilegjesh ka? Kjo edhe për kuriozitetin e publikut, por edhe për të ditur si I trajtojmë ne funksionarët pasi ikin nga detyra. Juve cfarë privilegjesh keni nga data 25 ?

Nishani: Nuk ka privilegje të mëdha, momentalisht për fat të keq Shqipëria (them në për fatin e keq jo në aspektin personal por në kuadrin e imazhit të shtetit) është I vetmi vend evropian, por besoj dhe botërorë që nuk ka një ligj për Presidentin e Republikës. Për fatin e mirë nga ana tjetër ligji është i përgatitur, i draftuar dhe i depozituar në Parlament. Besoj që me fillimin e legjislaturës së re ky ligj të kalojë. Aktualisht Presidenti me aktet që janë në fuqi, ka tre vitet e ardhshme: Ruajtjen fizike, me një numër shumë të kufizuar personeli. Ka një trajtim financiar vetëm tre vjeçar me një përqindje të caktuar të pagës që ka pasur për tre vitet e ardhshme. Ligji i cili parashikon të kalojë në Parlament, i jep disa hapësira Presidentit; Të ketë një ambient pune, të ketë një staf minimalist të vogël. Pastaj kuptohet ka dhe nevojën e ndihmës së transportit. Kjo nëse ligji do kalojë, por aktualisht nuk ka ndonjë privilegj Presidenti I Republikës. Unë mendoj se me ligjin e ri hidhet një hap përpara për të krijuar një mundësi që investimet e tilla…Unë e quaj veten një të shtetit Shqiptar, dhe të gjithë drejtuesit e shtetit Shqiptar janë investime të shtetit, janë investime të qytetarëve shqiptar dhe këto investime duhet të vazhdojnë të kontribuojnë, dhe që ta bëjnë këtë patjetër që duhet të kenë në dispozicion një infrastrukturë normale. Kjo është pak a shumë situata, por nuk besoj që kjo është çështja më kryesore, është e rëndësishme, ka të bëj me imazhin e shtetit, por besoj se ligji i ri që është në Kuvend, prêt të votohet dhe besoj se do të kaloj me fillimin e legjislaturës së re.

Hila: E ka ndjerë familja periudhën tuaj presidenciale? Bashkëshortja, fëmijë, ju ishit afër, larg?

Nishani: Në radhë të parë duhet të them që përtej të qenit një post shumë i lartë dhe shumë i nderuar. Njeriu që merr postin e Presidentit të Republikës, është njeriu më inderuar. Njeriu që i bëhet nderi më i madh për sa jemi në këtë botë. Ka edhe privilegje në krahasim me ambientin ku jeton , ke një trajtim nga Drejtoria e Shërbimit Qeveritar, një personel që të ndihmon në familje, që të ndihmon në zyrë, pra janë disa privilegje të cilat i ka paraparë ligji.

Nishani: Fotoja me BMW-në që solli marrëdhënie të tensionuar me djalin

Hila: Po Bujar Nishani si prind?

Nishani: …por do ju them në mënyrë shumë të sinqertë që ka dhe mjaft, kufizime, limitime në aspektin e jetës personale privatë, atë familjare .Unë mund të them Dritan që personalisht, ndoshta ka të bëjë dhe me natyrën e njeriut që nuk është se I kam përjetuar kufizimet. Për sa kohë i jam angazhuar tërësisht angazhimit zyrtarë, por t'ju them të drejtën fëmija ime e ka përjetuar në një farë mënyre e sidomos fëmijët.

Meqë jemi në një bisedë të tillë më lejoni të tregoj mes jush, një copë interesante nga jeta: Para dy apo tre vjetësh isha në funksionin e Presidentit të Republikës, djali në atë kohë ishte 18 vjeç. Kuptohet një adoleshent 18 vjeçar, moda e facebook-ut dhe afishon në FB një fotografi që ishte në aeroportin e Venës me një makinë BMW që ishte e një shokut të tij , (e një shqiptari të emigruar në Vjenë në vitin 90, nga familja Libohova), që e priste në aeroport, dhe menjëherë pati disa sulme mediatike . "Ç'është kjo makinë", "Djali i Presidentit me një makinë kaq të shtrenjtë", "Ku i gjejnë këto para?". Unë me thënë të drejtën nuk u shqetësova shumë sepse e kisha parasysh se si janë artikulimet e sotme, ime shoqe u shqetësua dhe i tha: Ç'është kjo makinë, nuk është e jotja, pse e ke postuar? Dhe pati një debat familjar. Djali e hoqi menjëherë dhe e pamë që u trishtua nga mënyra sesi ne ju adresuam. Pas disa orësh e kontaktuam përsëri për t'i hequr atë traumë sociale që i krijuam nga ai komunikim i tensionuar dhe ime shoqe i thotë: Dëgjo Ersi. Kur babi mos të jetë më President, ti mund të postosh fotografi me shokët, me shoqet e tua në FB, por tani duhet të jemi pak të kujdesshëm. Dhe përgjigjja e tij ishte (se gjithë morali i fabulës që tregova është përgjigja e tij që dha në fund): Kur babi mos të jetë më President, nuk do jem më unë 18 vjeç. Kështu që familja ka pasur ato përjetimet e veta.

Hila: Keni humbur disa vite si babai i djalit…

Nishani: Më ka munguar për disa vite distance me fëmijët, por të gjitha këto kompensohen kur kupton që ti ke shërbyer për një kauzë të madhe, që është, shërbimi në postin më të lartë, vendin më të nderuar të shtetit dhe shoqërisë.

Hila: A I keni ndjerë në familje sulmet që ju janë bërë?

Nishani: Patjetër që ka pasur, por unë nuk I kam përjetuar emocionalisht sepse pata aksidentin e parë psikologjik në 2007 kur u bëra për herë të parë ministër i Brendshëm. Kisha 2-3 muaj që isha bërë ministër dhe nuk kisha shijuar as të shtunë e as të diel. Më në fund pas tre muaj me insistimin e bashkëshortes sime vendosa që të shkojmë ditën e diel për fundjavë për drekë të prindërit e mi të cilët insistonin që të shkonim në fundjavë dhe t'i shikonim të paktën. Hipim në makinë, marrim fëmijët me vete. Djali sapo hipi në makinë tronditet dhe bërtet më të madhe. Ishte një gazeta "Korrieri" e cila në faqen e parë kishte foton time dhe tërësisht fytyrën time të mbuluar me gjak me diciturën "ë rrugët e Shqipërisë kanë ndodhur aksidente. Çfarë po bën ministri i Brendshëm?". Unë kisha vetëm 3 muaj që isha bërë ministër i Brendshëm. Pra pati një shok tek djali kur shikonte fotografinë time dhe tërë fytyrën e mbuluar me gjak. Ai moment ka qenë moment shumë I tensionuar , unë nuk isha mësuar me këto lloj sulmesh dhe që nga ai moment unë e menaxhova emocionin tim, por familja e ka ndjerë. Ka pasur raste ekstreme kur kanë thënë që Presidenti në vdekje klinike, është në koma në SHBA dhe familjarët shqetësoheshin. Natyrisht që në ambientin politik priten akuza, por tek ne ndodhin pak të ekzagjeruara.

Hila: Z. Nishani, z. Meta tha që; biseduam me Presidentin në ikje, dhe ju i kishit paraqitur disa shqetësime. I latë atë letrën e famshme ku thuhet: "Herën e parë ma hidh fajin mua, herën e dytë hidhja fatit dhe herën e tretë jep dorëheqjen" apo i paraqitët shqetësimet serioze që kishit për gjendjen e shtetit shqiptar?

Nishani: T'ju them të drejtën nuk e lashë atë letër me një arsye, sepse Presidenti Meta është nga ata njerëz që i lexon letrat edhe pa i hapur nga zarfi. Ka eksperiencë të gjatë dhe e njeh mirë jetën politike, i njeh mirë hapat që duhet të hedhi. Unë kështu besoj dhe shpresoj. Në bisedë i shpreha ato shqetësime që më kanë shoqëruar edhe mua dhe po I ndaj dhe me ju. Jemi në një situatë delikate si shoqëri, si vend. Shqipëria nuk është i vetmi vend që ka probleme me ekonominë, ka shumë vende të tjera.

Nuk është i vetmi vend që ka probleme me krimin e organizuar, ka shumë vende. Po marr rajonin që ka probleme me infrastrukturën apo me çështje të tjera që lidhen me përditshmërinë e jetës së njeriut, por Shqipëria është i vetmi vend ku niveli i besimit dhe i shpresës ka rënë në minimumin historik të këtij shteti, dhe kjo më shqetëson në mënyrë të jashtëzakonshme si shqiptar, pastaj si politikan dhe si njeri që ka pasur mbi supe privilegjin e detyrave shumë të rëndësishme në këtë shtet.

Kjo nuk është një cështje që kalohet me biseda kafenesh, as me batuta emisionesh apo debate televizive, as me ndonjë shkrim retorik apo dramatik në media dhe gazeta. Ky është një problem fondamental dhe mua më vjen keq që nuk shikoj edhe sensibilitetin e duhur tek aktorët e ndryshëm të shoqërisë. Tek politika, qeveri-opozitë së bashku, tek media, pushtet shumë i rëndësishme, edhe më i ftohtë sesa politika për t'i parë dhe adresuar gjërat, tek Shoqëria Civile e cila është tërësisht e aktrovizuar komplet, dhe unë nuk di nëse ne në Shqipëri mund të themi më se kemi Shoqëri Civile, tek intelektualët të cilët janë bërë pjesë e këtij pesimizmi

Hila: Edhe mund të jenë trembur, intelektuali është njeriu që trembet më kollaj

Nishani: Akoma edhe më e rëndë. Në qoftë se do kemi dhe trembjen e intelektualëve atëherë kemi arritur në një aktrovizim shoqërorë.

Ky problem në gjykimin tim Dritan është një alarm i madh. Përgjegjësinë kryesore e kanë padyshim vendimmarrësit, ata që duhet të japin shpresën dhe të japin arsyet, argumentet pse një qytetar shqiptar duhet: të jetojë i qetë, të flejë i qetë, të dali i qetë nga shtëpia, duhet të bëjë punën që ka për të bërë, ka pasion, ka mundësi, ka hapësirë, duhet ta gëzoj jetën dhe duhet të shpresojë për fëmijët e tij

Hila: Mendoni që z. Meta me reduktimin e kompetencave që i janë bërë postit të Presidentit mund të ketë aftësi të ndryshojë ndonjë gjë?

Nishani: Këto nuk janë çështje që i takojnë Presidentit të Republikës edhe me më shumë kompetenca

Hila: Gjithsesi është një autoritet moral..

Nishani: Autoriteti moral dhe ka vokacionin. Presidenti sot ka vetëm vokacionin public. Unë jam munduar që këtë vokacion publik ta prezantoj herë pas here, natyrisht nuk kam qenë Presidenti që kam menduar të bëhem interesant me të shara. Nuk kam qenë Presidenti që kam menduar të jem prezent me zë të lartë  dhe më të bërtitura, por kam qenë presidenti që kam bërë deri më sot betejat ligjore konstitucionale më të shumta gjatë gjithë këtyre 25 viteve në Shqipëri. Nuk e kam bërë për arsye politike, janë të gjitha përmbajtësore, të argumentuara, janë të gjitha publike, janë të gjitha trasparente, janë të gjitha me rezultat si ato betëja që janë fituar dhe ato që nuk janë fituar. Beteja të tilla ligjore konstitucionale nuk ka bërë asnjë President tjetër më përpara, mund të këtë qenë edhe për shkak të rrethanave apo sepse vet procesi ligjbërës ka qenë konfliktual, por unë e kam gjykuar dhe e kam adresuar presidencën time tek Presidenti që bën beteja ligjore dhe konstitucionale.

Nishani: SHISH ka shpëtuar jetë masive njerëzish. Prokuroria i ka rezistuar ndërhyrjes brutale politike

Hila: Cili ka qenë moment që ju e konsideroni si më të suksesshmin në karrierën tuaj pesë vjeçare?

Nishani: Mund të them që jam bërë barrierë kryesisht në qëndrueshmërinë e disa institucioneve që kanë qenë vitale për paanshmëri dhe pavarësi të tyre, jo se kanë qenë në varësi dhe në kontroll të Presidentit të Republikës, por i kam inkurajuar, i kam mbrojtur dhe kam parë që ja kanë arritur deri diku në një masë jo të vogël që të qëndrojnë të pacenuar në kontekstin e tyre konstitucional. Shërbimi Inteligjent i vendit i cili nuk varet tek Presidenti, është pjesë e mekanizmit të ekzekutivit, por që duhet të ruaj një pavarësi tërësore nga ekzekutivi në aspektin operacional. Ne kemi pasur shumë akte të mëdha në Shqipëri që janë shpëtuar jetë masive njerëzish për shkak të funksionimit profesional dhe tërësisht jashtë ndikimit politik nga ana e Shërbimit Informativ që do ti mbeten historisë dhe ndoshta pas 50 viteve do bëhen publike.

 Hila: Bëhet fjalë për terrorizëm?

Nishani: Për akte terrorizmi patjetër. Prokuroria, edhe pse unë nuk kam mbetur i kënaqur plotësisht me atë ç'ka doja unë të shikoja të Prokuroria e Shtetit shqiptar, veçanërisht në luftën e korrupsionit të niveleve të larta, por edhe të krimit të organizuar, por ka pasur le të themi një rezistencë ndaj ndërhyrjes brutale të ndërhyrjes politike që mund të kishte ndikuar për më keq në institucionin e Prokurorisë së Shtetit Shqiptar dhe në institucione të tjera. Veçanërisht në institucione financiare siç është Banka e Shqipërisë që është jo në kontrollin e Presidentit të Republikës, por për të ruajtur disa ekuilibra.

Pra veçanërisht me disa institucione Shqiptare që janë shumë të kujdesshme dhe strikte me ecurinë makro ekonomike dhe makro financiare të shtetit shqiptar dhe disa institucione të tjera, për të cilat unë vërtetë ndjej kënaqësi që ndoshta kam marrë sulmet personale, publike, tentative intimidimi publik që i kam rezistuar dhe sot pas pesë vitesh ndihem vërtetë i kënaqur aq sa mund të ndihem që i shërbeva këtyre momenteve delikate që këto institucione rezistuan, sepse këtu nuk bëhet fjala që këto atakohen nga Kryeministri,sepse shpesh herë krijohet ideja që beteja është me Kryeministrin. Patjetër që Kryeministri është njeriu më i rëndësishëm që orienton një politikë të caktuar por, ka me dhjetëra apo me qindra individë dhe aktorë që keqpërdorin pushtetin dhe tentojnë influencojnë, apo dhe njerëz që janë nën shërbime të aktorëve të tjerë të cilët mund të dëmtojnë shtetin Shqiptar. Jam shumë i kënaqur dhe i lumtur njëkohësisht që në bashkëpunim edhe me drejtuesit e këtyre institucioneve dhe të tjerë që nuk I përmenda tani I kemi dhënë shtetit Shqiptarë disa shërbime të vyera.

Hila: Ka pasur ndonjë moment kur jeni bërë gati të jepni dorëheqjen?

Nishani: Jo asnjëherë. I vetmi moment që unë do jepje dorëheqjen do të ishte nëse unë më papërgjegjshmërinë time do të kisha rënë peng i aktorëve apo i faktorëve armiq të Shqipërisë, apo që mund të isha përfshirë në skandale që natyra ime civile dhe qytetare nuk I pranon dhe patjetër që do isha larguar. Përsa i takon vështirësive, kam pasur shumë vështirësi jo vetëm në aspektin shtetërorë por dhe në atë njerëzor dhe asnjë herë nuk jam dorëzuar dhe nuk kam ndërmend të dorëzohem.

Hila: Gjatë krizës së fundit kur opozita ishte në çadër dhe realisht u krijua perceptimi që mund të mos hynte në zgjedhje ju si e përjetuat, a kishit frikë se vendi mund të rrëshqiste në një konflikt civil?

Nishani: Rreziku ka qenë evident dhe shpesh herë dhe aktorë e tjërë ndërkombëtarë e nënvlerësuan për një farë kohe situatën politike në Shqipëri dhe krizën politike në Shqipëri

Nishani: Rreziku ka qenë evident dhe shpesh herë dhe aktorë e tjërë ndërkombëtarë e nënvlerësuan për një farë kohe situatën politike në Shqipëri dhe krizën politike në Shqipëri

Hila: Duke stimuluar Kryeministrin?

Nishani: Jo. Duke e lënë mënjanë si një konflikt strikt i aktorëve të brendshëm. Më erdhi mirë kur edhe pas takimeve që kam pasur me aktorë të rëndësishëm ndërkombëtarë, kanë reflektuar për këtë situatë, janë angazhuar për ta ndihmuar Shqipërinë dhe popullin shqiptar, se këtu nuk është çështja e ndërhyrjes apo ndërmjetësimit për të pajtuar dy njerëz apo dy forca politike, këtu bëhet fjalë për ecurinë e një shteti, për funksionimin e një shoqëri të tërë, përplasje të cilat mund të japin impakte prej dekadash që pasojën. Situata ka qenë kritike, ka qenë shumë e rëndë. Opozita edhe mund të mos hynte në zgjedhje dhe do të kishin perceptuar konflikte realisht problematike në Shqipëri. Por gjithsesi unë mendoj se procesi zgjedhor dhe ata të cilët kishin përgjegjësinë për të menaxhuar procesin zgjedhor nuk e justifikuan angazhimin që kanë marrë plotësisht, dhe nuk e kanë kryer detyrën e tyre në lartësinë që u kërkonte Kushtetuta dhe ligji i Shqipërisë.

Hila: Pikërisht këtu doja të dilja. Si e mendoni juve, ka qenë e mençur e opozitës fakti që pranojë të futej me Ministra Teknik dhe më vonë rezultoi që këta ministra nuk shkarkonin dot as shoferin e tyre le të themi?

Nishani: Mesa e kam kuptuar unë , ajo nuk ka qenë një marrëveshje bashkëqeverisëse. Ata që e kanë trajtuar si të tillë kanë qenë dy grupime: Së pari njëri grupim që ka spekuluar politikisht me të dhe le të themi që qeveria e shfrytëzoj dhe spekuloi dhe përfitoj politikisht me të sipas analizës sime post zgjedhore. Pjesa tjetër nuk diti t'ua shpjegoi mirë qytetarëve Shqiptar që kjo nuk është një marrëveshje, sepse ajo nuk ishte një marrëveshje bashkëqeverisëse mesa kam kuptuar unë sepse nuk kam qenë pjesë e marrëveshjes, por ishte një marrëveshje për të dekurajuar sa të mundte keqpërdorimet e pushtetit në fushatën elektorale. U mendua në atë formë, besoj se nuk është një formë e keqe, por në fund të fundit një ministër i cili e ka gjithë piramidën jashtë bashkëpunimit që atë përkushtim që ka ministri për të mos u keqpërdorur pushteti për fushatë , nuk e ka zv/ministri, e deri tek drejtori e deri tek punëtori më i thjeshtë. Kjo ishte një marrëveshje që duhet të funksiononte në bazë vullnetesh.

Nishani: Ministrat teknikë për të frenuar keqpërdorimin e pushtetit në zgjedhje

Hila: Pushteti nuk e pati këtë vullnet

Nishani: Absolutisht nuk e pati dhe unë them që ka dëmtuar besimin më keq sesa ishte përpara marrëveshjes. Ajo nuk ishte marrëveshje bashkëqeverisëse mesa kam kuptuar, ministrat nuk vajtën aty për të zbatuar politika por thjeshtë për të frenuar sa më shumë që të ishte e mundur keqpërdorimin e pushtetit në funksion të fushatës elektorale. Unë kam pasur mjaft takime me disa prej tyre, me ministrin e Drejtësisë në kuadrin e Këshillit të Lartë të Drejtësisë, me ministren e Arsimit e cila ka bërë disa përpjekje të jashtëzakonshme edhe në një situatë krejt të papranueshme të sjelljes së administratës të Ministrisë së Arsimit ndaj ministres dhe besoj që ky duhet të jetë një moment hetimi penal, jo thjesht moral dhe shpresoj që modeli ekstremisht negativ që u demonstrua në Ministrinë e Arsimit të jetë një proces që të ndiqet nga opozita në të ardhmen , të ndiqet nga prokuroria, port e ndiqet edhe nga maxhoranca në të ardhmen sepse ka dëmtuar shumë reputacionin e besueshmërisë edhe të partisë që është në maxhorancë dhe jeta vazhdon. Kam bërë disa takime me zv/kryeministren e cila ka drejtuar Task Forcën dhe më ka paraqitur disa shqetësime të paimagjinueshme të pengimit të punës së saj. Pra dueli ishte politik për të demonstruar një vullnet të dyanshëm në funksion të normalitetit zgjedhorë, normaitetit fushatës zgjedhore. Në gjykimin tim nuk rezultoi i suksesshëm. E përsëris, nuk kam qenë pjesë e marrëveshjes, nuk e di çfarë është marrëveshja.

Hila: Megjithatë ajo ishte një marrëveshje e cila mbeti në errësirë. Marrëveshja e 18 majit shumë pak veta e dinë përveç dy interlokutorëve kryesorë, z.Rama dhe z. Basha.

Nishani: Për aq sa është shprehur deri tani, dy momente ka pasur. Kryesisht ka qenë në funksion të fushatës elektorale, edhe një herë e theksoj: kështu si e kam kuptuar unë, dhe unë besoj që kështu e kanë kuptuar shumica e shqiptarëve, pra nuk ishte një marrëveshje bashkëqeverisëse, por ishte futja e disa individëve që të stoponin maksimalisht me sa të mundnin keqpërdorimin.

Pjesa e dytë që është thënë, për të vijuar bashkëpunimin në aspektin legjislativ, ajo mbetet për t'u parë. Është në dorën e opozitës, është lidershipi i opozitës që vendos se si do të veprojë, është një çështje e Partisë Demokratike dhe forumeve të saj. Kjo mbetet për tu parë. Unë mendoj që tashme Partia Demokratike ka kaluar dhe procesin e brendshëm të zgjedhjes së kryetarit të sa, pra ka një lehtësim nga ikja e debatit të brendshëm që shpesh herë konsumon energji të panevojshme të cilat duhet të adresohen në opozitarizmin publik.

Hila: Dua ta diskutoj pak më gjatë këtë pikë z. Nishani sepse ka krijuar ekuivoke përsa i përket vazhdimit të marrëveshjes edhe pas zgjedhjes. Z. President si e mendoni juve në optikën tuaj vazhdimin e marrëveshjes pas zgjedhjeve. Çfarë nënkuptonte Basha me këtë për Reformën Kushtetuese, si?

Nishani: Ajo mbetet për tu parë, se unë nuk jam pjesë e marrëveshjes dhe nuk di se ne çfarë pikash kanë rënë dakord kryetari i qeverisë dhe lideri i opozitës Rama –Basha. Kam dëgjuar si të gjithë të tjerët që kanë rënë dakord që të angazhohen të dy forcat politike në parlament për Reformë Kushtetuese, që do të thotë se pjesa e kolonës së sistemit të drejtësisë ka mbaruar, pra nuk kemi më se çfarë marrëveshje kushtetuese të kemi për sistemin e drejtësisë që është një nga kolonat kryesore të kushtetutës se tashmë ndryshimet kushtetuese për Reformën në Drejtësi janë bërë. Ligjet janë kaluar, kanë mbetur vetëm pak ligje dhe tashmë është vetëm implementimi i tyre, ndërtimi i institucioneve KLGJ, KLP dhe institucione të tjera. Nëse do ketë një bashkëpunim do ketë për sistemin zgjedhor i cili është kolona tjetër.

Hila: A nuk do ishte më mirë të bëhej një Kushtetutë e re nga e para, sepse kjo ekzistuesja është bërë copë, copë.

Nishani: Ajo do ishte më e mira, idealja. Unë këtë kam propozuar herë pas here gjatë kohës që diskutohej për Reformën në Drejtësi por kishte një nxitim që unë e kam quajtur jo shumë të justifikuar për të bërë ndryshime kaq të mëdha kushtetuese për një kohë kaq të shkurtër në aspektin e Reformës në Drejtësi, jo se ajo nuk ishte e nevojshme dhe jo se nuk kishte emergjencë . Eshte emergjencë dhe unë po ju them se nëse do na japë mundësi fati që pas 5-6 vitesh të jemi përsëri bashkë në bisedë në fokus me sistemin e reformës dhe do të themi që do të jetë edhe pas 5 vjetësh përsëri emergjencë reforma në sistemin e drejtësisë sepse është një proces, dhe është një fushë që emergjenca nuk ezaurohet brenda 5 vitesh. Eshtë ndërtuar që të funksionoj në mënyrë të tillë, por le t'ja lemë kohës për ta parë këtë gjë.

Kur ka qenë diskutimi kam thënë që kushtetuta jonë nuk është shumë e vjetër. Ok, u kërkua të ndryshohet në themel. Sistemi i drejtësisë është kolonë kryesore . Diskutojmë dhe kemi pakënaqësi për sistemin politik, për ekuilibrat e sistemit politik : Parlamenti, qeveria, janë institucionet e tjera të kontrollit dhe të balancës. Hajde të bëjmë një Kushtetutë të re me ekspertizën më të mirë evropianë. Po aspirojmë të shkojmë drejt Bashkimit Evropian, le të përgatisim edhe aspektin kushtetues paraprakisht me aq sa mund të bëjmë. Jemi që nga 2008 (pasi është miratuar Kushtetuta), vend anëtar i NATO-s kemi angazhime Trans-atlantike dhe jemi në boshtin Trans -atlantik dhe përvec hapave që hedhim në procesin europian, të kalohet në referendum ndoshta dhe me ndërhyrje të forta në sistemin parlamentar , si në zgjedhje e Presidentit dhe në çështje të tilla dhe t'ja japim qytetarëve të vendosin një Kushtetutë të konsoliduar. Kjo nuk ndodhi. Tashmë është vonë për të bërë një Kushtetutë të re se gjysma e Kushtetutës që është sistemi i drejtësisë dhe institucionin që lidhet me sistemin e drejtësisë tashmë janë hedhur.

Hila: Dua ta diskutoj pak më gjatë këtë pikë z. Nishani sepse ka krijuar ekuivoke përsa i përket vazhdimit të marrëveshjes edhe pas zgjedhjes. Z. President si e mendoni juve në optikën tuaj vazhdimin e marrëveshjes pas zgjedhjeve. Çfarë nënkuptonte Basha me këtë për Reformën Kushtetuese, si?

Nishani: Ajo mbetet për tu parë, se unë nuk jam pjesë e marrëveshjes dhe nuk di se ne çfarë pikash kanë rënë dakord kryetari i qeverisë dhe lideri i opozitës Rama –Basha. Kam dëgjuar sit ë gjithë të tjerët që kanë rënë dakord që të angazhohen të dy forcat politike në parlament për Reformë Kushtetuese, që do të thotë se pjesa e kolonës së sistemit të drejtësisë ka mbaruar, pra nuk kemi më se cafrë marrëveshje kushtetuese të kemi për sistemin e drejtësisë që është një nga kolonat kryesore të kushtetutës se tashmë ndryshimet kushtetuese për Reformën në Drejtësi janë bërë. Ligjet janë kaluar, kanë mbetur vetëm pak ligje dhe tashmë është vetëm implementimi i tyre, ndërtimi i institucioneve KLGJ, KLP dhe institucione të tjera. Nëse do ketë një bashkëpunim do ketë për sistemin zgjedhor i cili është kolona tjetër.

Hila: A nuk do ishte më mirë të bëhej një Kushtetutë e re nga e para, sepse kjo ekzistuesja është bërë copë, copë.

Nishani: Ajo do ishte më e mira, idealja. Unë këtë kam propozuar herë pas here gjatë kohës që diskutohej për Reformën në Drejtësi por kishte një nxitim që unë e kam quajtur jo shumë të justifikuar për të bërë ndryshime kaq të mëdha kushtetuese për një kohë kaq të shkurtër në aspektin e Reformës në Drejtësi, jo se ajo nuk ishte e nevojshme dhe jo se nuk kishte emergjencë . Eshte emergjencë dhe unë po ju them se nëse do na japë mundësi fati që pas 5-6 vitesh të jemi përsëri bashkë në bisedë në fokus me sistemin e reformës dhe do të themi që do të jetë edhe pas 5 vjetësh përsëri emergjencë reforma në sistemin e drejtësisë sepse është një proces, dhe është një fushë që emergjenca nuk ezaurohet brenda 5 vitesh. Eshtë ndërtuar që të funksionoj në mënyrë të tillë, por le t'ja lemë kohës për ta parë këtë gjë.

Kur ka qenë diskutimi kam thënë që kushtetuta jonë nuk është shumë e vjetër. Ok, u kërkua të ndryshohet në themel. Sistemi i drejtësisë është kolonë kryesore . Diskutojmë dhe kemi pakënaqësi për sistemin politik, për ekuilibrat e sistemit politik : Parlamenti, qeveria, janë institucionet e tjera të kontrollit dhe të balancës. Hajde të bëjmë një Kushtetutë të re me ekspertizën më të mirë evropianë. Po aspirojmë të shkojmë drejt Bashkimit Evropian, le të përgatisim edhe aspektin kushtetues paraprakisht me aq sa mund të bëjmë. Jemi që nga 2008 (pasi është miratuar Kushtetuta), vend anëtar i NATO-s kemi angazhime Trans-atlantike dhe jemi në boshtin Trans -atlantik dhe përvec hapave që hedhim në procesin europian, të kalohet në referendum ndoshta dhe me ndërhyrje të forta në sistemin parlamentar , si në zgjedhje e Presidentit dhe në çështje të tilla dhe t'ja japim qytetarëve të vendosin një Kushtetutë të konsoliduar. Kjo nuk ndodhi. Tashmë është vonë për të bërë një Kushtetutë të re se gjysma e Kushtetutës që është sistemi i drejtësisë dhe institucionin që lidhet me sistemin e drejtësisë tashmë janë hedhur.

Hila: Z. Basha edhe për sistemin zgjedhor?

Nishani: Pas reformës në drejtësi ajo mbetet. Sepse sistemi zgjedhor prodhon mekanizmat kryesorë të sistemit politik. Prodhon parlamentin, qeverinë , institucionet kontrolluese, këshillin e auditit, kontrollin e pasurive, Avokatin e Popullit. Pra janë një sërë institucionesh kushtetuese apo thuajse kushtetuese të cilat lidhen me reformën zgjedhore. Kështu që nëse parashikimi apo biseda e liderit të opozitës me liderin e maxhorancës, është e fokusuar tek reforma për sistemin politik që nuk do mbetet gjithsesi pjesë vetëm e dy personave, por do të jetë një debat politik ku të angazhohen aktorë të ndryshme të shoqërisë. Është e domosdoshme një reformë, sepse kemi ndryshuar thuajse gjysmën e Kushtetutës, dhe është e domosdoshme për t'u riparë gjysma e dytë e Kushtetutës, aq më tepër që ne kërkojmë të kemi institucione më fleksibël. Në qoftë se do jenë këto pikat për të diskutuar, kjo mbetet për tu parë dhe unë mendoj që është e nevojshme që kemi nevojë për një referendum, por nuk mendoj kurrë që do ketë një bashkëqeverisje midis të majtës dhe të djathtës në Shqipëri sepse secila nga forcat politike kanë profilin e vet, dhe unë personalisht jam partizan i ruajtjes së profilit të secilit krah politik në Shqipëri.

Nishani: Rama e përdori marrëveshjen me Bashën në mënyrë spekulative, më mjeshtërore

Hila: Ju e mendoni me instinktin e politikanit që e dëmtoj z. Basha kjo marrëveshje?

Nishani: Unë besoj që u përdor në mënyrë spekulative, në mënyrë më mjeshtërore nga z. Rama. Z. Basha u fokusua në pjesën parimore tek fushata programore, tek ajo që mendonte. Z. Rama e përdori më mirë në dëm të kundërshtarit të vet politik.

Hila: Keni informacion që janë futur duart në procesin zgjedhor? Ka një deformim të votuesit, janë ngritur disa akuza se nga z. Basha por jo të potencuar sa duhet

Nishani: Ka një sondazh me disa kuti që u hapën, sepse nuk është mirë që në të flasim me hamendësime, gjithmonë duhet të bëjmë deklaratë dhe unë personalisht do vazhdojë të inkurajoj modelin politik të opozitarizmit patjetër ndaj fenomeneve negative, por mbi bazën e logjikës, argumentit dhe faktit. Edhe në rastin konkret u hapën në mos gaboj rreth 70 kuti në Tiranë. 90% e tyre nuk reflektuan rezultatin e shkruar. Imagjino në një sondazh 90% e provës rezultoi e deformuar, imagjino se ç'mund të ndodh nëse hapen të gjitha kutitë në rang vendi. A kanë pasur ndikim në rezultatin përfundimtar këtë nuk mund ta di se edhe në kutitë që u hapën nuk treguan se kishin ndikim te rezultati përfundimtar, por në nivel kombëtar ato mund të kenë pënalizuar parti të caktuara. Të mos harrojmë se vjen një moment në Parlament për një apo dy vota mund të dështojnë ligje të rëndësishme. Sondazhi që u bë në KQZ me ato kuti që u hapën tregoi një shifër të frikshme.

Hila: Ju si President keni pasur informacion se në zonat e thella ka pasur ndërhyrje të krimit të organizuar

Nishani: Unë patjetër që kam informacionet e mia, kam analizën time, kam dhe eksperiencën time por unë nuk mund të akuzoj pa patur…Patjetër që unë dëshiroj t'ju garantoj që si një qytetar që ka eksperienca politike, si njeri që do ketë një zë dhe aktivitet publik, do angazhohem edhe në investigime të tilla, edhe në mbledhje informacioni sepse në fund të fundit unë kam qenë President i Republikës, kam qenë ministër, kam qenë deputet në Parlament, shqiptarët dhe shteti Shqiptar kanë investuar për formimin tim politik, i jam borxhli shtetit dhe qytetarëve shqiptarë dhe tani i jam borxhli në kuptimin e shërbimit pa përfitim prej tyre dhe këtë shërbim do vijoj ta kem.

Hila: Doja t'i kthehesha dhe një moment Reformës në Drejtësi. Juve si President i Republikës keni udhëhequr për vite me radhë KLD dhe e njihni sesi funksionon ky sistem edhe për faktin se keni qenë edhe Ministër Drejtësie. Mendoni se Reforma në Drejtësi do t'i japi mundësi z. Rama të ndikojë në përzgjedhjen e elementëve të cilët janë afër tij?

Nishani: Rreziku i kapjes politike të Sistemit të Drejtësisë ekziston gjithmonë dhe jo vetëm në Shqipëri. Po të shikojmë dhe në vende më të konsoliduara, në fund të fundit shpesh herë pushteti gjyqësor përfshihet në politik. Kemi disa raste në SHBA, ku gjykatat i janë kundërvënë presidentit Trump në disa vendime që ai ka marrë, disa gjykata të tjera e kanë përkrahur, pra në një farë mënyre janë përfshirë në qëndrime politike

Hila: Edhe emërimet ne fund të fundit politika i bën.

Nishani: Absolutisht. Rreziku ikapjes politike të sistemit të drejtësisë ekziston gjithmonë, ajo ka nevojë qër disa mekanizma dhe transparencë. Psh, unë mora rastin e Amerikës sepse atje mekanizmat dhe transparenca janë maksimale, kanë një opinion publik shumë të fortë, kanë një media ekstremisht të fortë, kanë një shoqëri civile të jashtëzakonshme. Kurse në vende të tilla si Shqipëria ku mungon transparenca, ku shumica e medias është tërësish e influencuar në konflikt interesi me qeverinë, me pushtetin, ku shoqëria civile pothuajse nuk ekziston, opinion publik është i pasigurt në aspektin ekonomik dhe social. Një shoqëri që është e pasigurt në aspektin social dhe ekonomik është e depresuar, e depersonalizuar dhe ne këtë e kemi provuar.

Në Shqipëri ky rrisk është i lartë, unë kam shprehur shqetësimin për disa emërime paraprake që janë bërë në bordet e reja, entet e reja, mekanizmat e reja që janë krijuar janë emërime tërësish politike gjë që nuk tregon shenjë të mirë për vijim e reformës. E kam thënë dhe më përë në një intervistë por që nuk zuri vend siç duhej, po e përsëris edhe tek ju që: nëse ajo që thuhet Reformë në Drejtësi do vazhdojë në këtë logjikë të futjes së njerëzve politik, të maxhorancë dhe opozitë në mekanizma kaq të rëndësishëm, atëherë politizimi I saj do vazhdojë të ekstremizohet dhe qytetarët do vazhdojnë të mos e marrin drejtësinë. Mbetet për tu parë nëse do të vazhdohet me këtë shembull që është bërë emërimi në këto dy-tre mekanizmat e parë unë kam konstatuar që janë emërime politike dhe jo profesionale, atëherë ne do të kemi më shumë probleme me sistemin e drejtësisë.

Hila: Keni frikë se do të rëndohet situate mbas kësaj fitoreje të vetme të Edi Ramës , ku ai fitoj rreth 78 deputet, ato që janë në sigël të qartë dhe aleatë?

Nishani: Maxhoranca e kaluar pati 90 vota në parlament

Hila: Pati 90 vota por ishte dhe LSI

Nishani: Por ka qenë shumë e konsoliduar, përtej faktit që ishin dy forca politike ishin të konsoliduar në qëndrime dhe vendimmarrje politike, nuk kanë pas asnjë dyzim

Hila: Ju mendoni se kontradiktat Ram-Meta kanë qenë veçse sipërfaqësore, por jo substanciale?

Nishani: Nuk i hyj , se nuk i di interesat.

Hila: Të paktën ato që ju paraqitën juve si President.

Nishani: Atë që unë kam parë gjatë katër viteve të maxhorancës së kaluar ka qenë një maxhorancë ekstremisht e fuqishme me 90 vota dhe nuk ka pasur asnjë cedim. Në miratimin e ligjeve që binin në kundërshtim me Kushtetutën, në përzgjedhjen që bënim për personat të cilat shërbenin në institucione të larta të shtetit shqiptar, në legjislacionin që kishin të bënin më menaxhimin e buxhetit. Pra në të gjitha aspektet e rëndësishme maxhoranca ka qenë shumë e konsoliduar dhe nuk ka pasur asnjë çarje. I vetmi rast ka qenë divergjenca politike ku ka qëndruar ligji për trajtimin e mbetjeve, dhe në atë rast dekreti i kthyer nga Presidenti i Republikës, i cili i obligon me ligj parlamentin ta shqyrtojë brenda 8 javëve (e miraton apo e rëëzon është punë e parlamentit), kanë kaluar jo 8 javë e 8 muaj, por jemi gati 2 vjet që ai dekret nuk u shqyrtua. Ai ka qenë një rast ku maxhoranca në Parlament pati një ndasi por kaq.

Gjithsesi mua nuk më frikëson arrogance dhe dhuna që mund të demonstrojë pushteti sepse ajo ka ndodhur jo vetëm në Shqipëri por dhe në shumë vende. Mund dhe të sakrifikohen njerëz për të. Unë jam një nga ato njerëz që përderisa kam marrë privilegje në të shkuarën do jem i gatshëm për të bërë sakrifica nesër nëse do të kërkohen për të mbrojtur parimet e lirisë dhe dinjitetit të vendit, tashmë si qytetar. Ajo që më tremb nuk është arrogance e pushtetit, mund të jetë dhe kjo por nuk është fundi i botës, mua më tremb atrvizimi i reagimit të shoqërisë, frikësimi i shoqërisë, deprimimi i shoqërisë sociale. Këto mua më trembin dhe unë personalisht do mundohem që ta kuroj dh eta inkurajoj sa më shumë që të jetë e mundur këtë frymë të anti deprimimit tek qytetarët e vendit tim, sepse jam vet një qytetar dhe prind I këtij vendi dhe dua të jetoj deri në fund të jetës sime në këtë vend.

Deklaratat për kanabisin, Nishani: Koha tregoi se kisha të drejtë.

Hila: Z.President herën e fundit kur ishim në intervistë së bashku dhe nuk ka qenë shumë kohë më parë, jo më larg se dy muaj, ngritët një shqetësim i cili ishte hashashizimi i vendit . Dhatë një informacion ku thatë se kanë hyrë disa ton fara hashashi në Shqipëri e cila pritet të shpërndahet dhe të mbillet. Në çfarë situate jemi tani, është shpërndarë, është mbjellë apo u trembën nga ndryshimet politike dhe nga 'paqja' që u bë midis PS dhe PD përsa i përket këtij fakti, emërimi i një Ministri të Brendshëm nga radhët e PD-së dhe kemi një frenim të fenomenit apo thjesht është një mbyllje goje sepse nuk s'i intereson asnjërit të flasë

Nishani: Më vjen mirë që ata që e atakuan Presidentin, apo mua personalisht në atë kohë se gjoja isha përfshirë për të dëmtuar imazhin e maxhorancës dhe të MB, duke e ngritur zërin fort dhe duke ngritur alarmin, u tërhoqën dhe ranë në dakortësi të plotë me shqetësimin tim. Kam mbledhur Këshillin e Sigurisë Kombëtare dhe padyshim që ishte një hap që kërkonte një lloj kurajoje sepse do të përballeshe me një sulm mediatik dhe publik të një pjese që kërkonin të fshinin realitetin, përfitonin apo jo nga kriminalizimi i kanabisit nuk di ta them, por koha tregoi se kisha të drejtë jo unë, por kishin të drejtë shqiptarët në shqetësimin e tyre dhe unë duhej të përcillja zërin e tyre, sepse jo ç'do kush e ka mundësinë për tu paraqitur në publik. Presidenti i Republikës e ka këtë privilegj. Unë fola në emër të qytetarëve, vura alarmin në emër të tyre sepse janë halle, probleme dhe efekte kriminale që do vazhdojmë t'i ndjejmë edhe vitet e ardhshme. Ato që kemi prodhuar 2-3 vitet e kaluara. Nuk besoj që ka një rënie dakortësie, ka një presion të jashtëzakonshëm tashmë të institucioneve ndërkombëtare dhe mua më vjen mirë që edhe disa agjenci ndërkombëtare më në fund u angazhuan për të dënuar fenomenin e kanabisit, sepse e panë që nuk dënon dhe nuk çon drejt vdekjes vetëm fëmijët e shqiptarëve por edhe të evropianëve, edhe të amerikanëve . Se bashke me hashashin kalon dhe heroina dhe kokaina , dhe institucionet ligjzbatuese kombëtare e dinë fare mirë këtë punë se kjo nuk është një eksperiencë e parë shqiptare, kjo është shumë e vjetër si histori në Evropë dhe përtej . Kështu që ka një presion të madh, tashmë ka dhe një ndërgjegjësim më të madh të opinionit publik, të elitës të intelektualëve shqiptar, për fatin e mirë të një pjese të medias . Unë besoj që ky presion do vij duke u rritur, nga të gjithë këto aktorë që unë thash dhe për këtë shkak dhe për këtë fakt unë besoj që do të ketë dhe një reagim më të madh, por mbetet për tu parë se kush do triumfojë: presioni që vjen nga këto aktorë, apo interesi i grupeve kriminale. Ajo mbetet për tu parë dhe për t'u testuar.

Dritan Hila: Aktualisht në bazë të informacioneve që keni, dhe janë të freskëta se keni vetëm pak ditë që jeni larguar nga posti. Vazhdon fushata e mbjelljes së hashashit?

Nishani: Unë ju kam dhënë një informacion dhe i qëndroj që janë futur disa thasë fara hashashi pra 6 muajsh në Shqipëri. Është shpenzuar para e madhe për këtë, ata që e kanë futur janë pjesë e krimit të organizuar dhe askush nuk mund të mendojë, dhe duhet të besoj që krimi i organizuar me paratë që ka shpenzuar do të lejoj që t'i hidhen në lum. Ka filluar procesi, moment më i rëndësishëm do të jetë gusht-shtator se është procesi ku kryhen fazat. Unë j'ua kërkoj me forcë si ish President, si politikan, si qytetar Policisë së shtetit, Prokurorisë së shtetit që kanë përgjegjësi shumë të madhe me fatet e vendit luftën e këtij fenomeni që është aq i tmerrshëm sa shumë herë shumica e njerëzve për fat të keq nuk e kuptojnë sa i tmerrshëm është për perspektivën tonë të përbashkët. Prandaj unë mendoj se së pari policia duhet mbështetur, i duhet dhënë infrastrukturë, i duhet dhënë mbështetje politike në radhë të parë jo partiake por institucionale . Edhe partitë politike janë institucionale, por më parë janë institucionet e shtetit, institucione kushtetuese, qeveria e me radhë. Opozita ka një rol të madh në vokacionin public. T'i jepet mbështetje policisë për luftimin e kanabisit, t'i jepet mbështetje në infrastrukturë dhe në mjete sepse policia nuk mund të shkojë atje me kazma dhe lopatë në kurriz. Ne nuk duhet t'i çojmë policët për të prerë kanabisin por duhet luftuar me metoda më të sofistikuara të hetimit penal dhe të goditjes që në embrion të organizatorit. Shqipëria është një vend I tillë ku janë të gjitha mundësitë për të identifikuar cdo organizator, çdo urdhër dhënës, dhe pastaj fermerin.

Hila: I ka kapacitet Shqipëria?

Nishani: Absolutisht. Janë të identifikueshëm, e ka rrjedhën e informacioneve, të vrojtimit, të vëzhgimit por policitë nuk duhen tradhtuar. Unë kam eksperiencat si Ministër i Brendshëm dhe çfarë veje re? Ai inspektori i zonës, ai shefi i krimeve, ai shefi i seksionit, shefi i komisariatin funksiononin në mënyrë përfekte dhe në momentin që shikonin që tradhtohej informacioni I tyre tek shefi më i lartë, i gjithë zinxhiri më pas nuk funksiononte më. Vetëm me një dekonspirim informacioni.

Hila: I kanë demoralizuar reformat e herë pashtershme që janë bërë nga ndryshimi i forcave politike, forcat policore?

Nishani: Patjetër që i demoralizon. Unë jam bërë për herë të parë në mars të 2007-së Ministër i Brendshëm dhe atëherë u kërkua që të ndryshohej ligji për policinë e shtetit, dhe ishte një ndryshim thelbësor, sepse i hiqej kontrollit politik policisë së shtetit, pra për herë të parë ndodhte pas 90-ës që ministrit i hiqej e drejta të emëronte Drejtorin e Policisë, drejtorët në qarqe, shefat e komisariatit, të merrte informacione operacionale. Pra i hiqeshin kompetenca shumë të rëndësishme Ministrit të Brendshëm për herë të parë dhe ishte një ligj thelbësor që ndryshonte në mënyrë thelbësore konceptin e qasjes së raportit midis politikës dhe policisë, ministrit dhe policisë dhe ishte insistimi i faktorit ndërkombëtarë sepse ishte detyrim për Shqipërinë që të anëtarësohej në NATO. Ne kishim nisur plotësimin e udhërrëfyesit për anëtarësimin në NATO ky ligji ishtë një nga kushtet . Dhe u bë një ligj shumë i mirë. Natyrisht unë nuk u ndjeva mirë se ndihesha sikur po më merrnin kompetencat e mia personale. Por thellë thellë në koshiencën time e kuptoja që ishte nevoja për Shqipërinë por duhej konsoliduar. Për fatin e keq, ky ligj që u bë atëherë pas 2013 është ndryshuar dy apo tre herë të tjera, imagjino ligji për Policinë e Shtetit do ndryshohet edhe tre herë brenda një mandati dhe ka degraduar. Nuk është puna që po heq një shef komisariati dhe po dekurajohet e gjithë struktura. Në qoftë se shefi i ri I komisariatit vjen një njeri me dinjitet dhe integritet , njerëzit me uniform kanë një vecori nga qytetarët e tjerë, ata e kuptojnë shumë herë më mirë rëndësinë e detyrës dhe janë shumë më të bindur, por janë absolutisht vlerësuesit më të mirë të dinjitetit dhe integritetit se janë dhe investigues për nga natyra. Kanë shqisën e gjashte. Unë mendoj që këto ndryshime kryesisht në legjislativ …Sepse në qoftë se një polic e shikon që ndryshohet legjislacioni që shefi të ketë më shumë kontroll ndaj vartësit në punën e tij dh ejo për interesin e tij ,por për inetresin e shefit më të lartë apo të Ministrit apo të Kryeministrit, atëherë ajo dekurajohet dhe pjesa profesionale bie dhe del në plan të dytë.

Hila: Ju keni qenë President i Republikës për një periudhë katër vjeçare ku ishte mandate i plotë i maxhorancës dhe unë do t'ju kërkoj edhe një mendim për Ministrat zë për zë por në pjesën e tretë.

Nishani tregon me cilët ministra ka pasur marrëdhënie korrekte dhe me cilët jo

Hila: Ju e keni pasur shkëmbime 'shpatash' me ish-ministrin e Brendshëm z.Tahiri. Si do ta vlerësoni bashkëpunimin që keni pasur me të?

Nishani: Nuk kam pasur asnjë shkëmbim 'shpatash' me asnjë ministër sepse nuk ma lejonte niveli i detyrës dhe i postit që kryeja që të kaloja në komunikime apo përballje me ministrat. Presidenti nëse kishte adresime ndaj qeverisë merrej me kryeministrin dhe unë gjithmonë i jam adresuar kryeministrit dhe kam pasur komunikim me kryeministrin. Natyrisht jo të gjitha takimet kanë qenë publike. Jam takuar jo shpesh me kryeministrin në zyrën time dhe i kam bërë me dije të gjitha shqetësimet për fusha të ndryshme, për rendin, marrëdhëniet me jashtë, drejtësinë, etj. Nuk kam bërë ndonjë vlerësim individual me ministrat. Mund të them se në komunikim kam pasur normalisht me ministren e Mbrojtjes për problematikat që ka pasur pavarësisht se sa janë pranuar apo sa janë refuzuar për t'u marrë apo trajtuar nga ministrja e Mbrojtjes, por komunikimi ka qenë korrekt, institucional, ka qenë normal. Ju përmendët ministrin e Brendshëm. Nuk bëhet fjalë të kishe komunikim sepse nuk kishte as parametrat për të pasur një komunikim jo institucional por as njerëzor. Me ministrin e Financave kemi pasur komunikim institucional shumë korrekt. Ia është dashur shpesh herë ndërhyrja apo dhënia e aksesit Presidentit të Republikës që disa akte të hynin menjëherë në fuqi dhe të tejkaloheshin procedurat burokratike në zyrën e Presidentit të Republikës dhe në 100% të rasteve jam treguar i gatshëm sepse ishte interesi i shtetit, nuk ishte interesi thjesht i ministrit të Financave dhe natyrisht i bëhej mirë edhe ministrit. Ministri i Financave ka pasur komunikim korrekt.

Hila: Mendoni se z.Ahmetaj dhe z.Cani kanë qenë më bashkëpunues?

Nishani: Flas për z.Ahmetaj, me të cilin ka pasur më shumë komunikime institucionale. Po flas për korrektesën. Ka pasur edhe raste të tilla skandaloze. Përpara tre vitesh, shkova për një fundjavë në Valbonë. E kam pasur shumë për zemër vizitën në Malësinë. Malësinë e Shqipërisë e vizitoja shpesh në periudhën e verës, Thethin, Valbonën, Tomorrin, Voskopojën, Malin e Kuq. I kam pasur për zemër dhe do të vazhdoj. Një fundjavë isha në Valbonë dhe duke pirë një kafe me banorët e zonës ishte një burrë zotëri që punonte aty me familjen dhe e pyes çfarë problemesh keni. Ishte nga Rragani, pjesa fundore e Luginës së Valbonës, një fshat i mrekullueshëm dhe bukuri akoma më të mëdha se sa Valbona. I thashë a ju vijnë turistë atje? Tha; ç'të vijë turisti këtu tek ne?! Kërkon një dush që të lahet dhe një poç që të ndriçohet. Thanë kemi tre katër vite që nuk kemi drita. Është djegur një gjenerator tha se nuk na e kanë ndërruar. I thashë po angazhohem unë si President i Republikës. Me t'u kthyer në Tiranë, ditën e hënë i bëj një telefonatë drejtorit të OSHEE-së, Çela, personalisht. I them në Rragam 3-4 vjet nuk kanë drita.

Turp i madh për ata që kanë qenë në atë post dhe nuk kanë çuar një gjenerator atje. Patjetër zt.President tha me shumë entuziazëm, do të merrem unë me këtë. Në natyrën time, e kam që e verifikoj porosinë që lë. Kur isha ministër i Brendshëm, unë bëja korrigjime ortografike të memove që binin drejtorët e mi, duke ju treguar atyre që unë lexoj gjithçka dhe nuk përtoj. Pas 4 muajsh e kontakoj personin në Rragam dhe i them a ka ardhur gjeneratori? Jo-thotë zt.President. Nuk ka ardhur kurrkush dhe ne vazhdojmë të jemi në errësirë. Ta merrja përsëri drejtorin e OSHE-së thashë nuk shkon, sepse Presidenti i Republikës duhet ta ruaj pak namuzin e zyrës. Dhe i them shefit të Kabinetit; merre drejtorin e OSHE-së dhe i thuaj që Presidenti ka bërë një bisedë me ty para disa muajsh për një gjenerator në Rragam dhe nuk ka vajtur akoma. Drejtori i Kabinetit e telefonon dhe thotë si ka mundësi, më vjen shumë keq, dhe për dy ditë do të mbyllet. Pas 3 muajsh të tjerë e telefon sërish personin në Rragam dhe më thotë z.President të falënderoj shumë dhe më vjen shumë keq që shqetësohesh. Njerëzit e marrin si shqetësim edhe kur i merr në telefon që e paguan shteti. Atyre u duket gjë e madhe.

I thashë unë nuk po mundohem fare. A është vënë gjeneratori? Jo nuk është vënë. I dërgoj fjalë ministrit Gjiknuri. I them turp i madh për ata njerëz që punojnë atje dhe nuk u dërgohet një gjenerator edhe kur interesohet Presidenti i Republikës. Jo se Presidenti është Mesia. Po imagjinoni kur këta njerëz nuk kanë mundësi t'i bien telefonit të ministrit. Ministri tha më vjen keq dhe do të marrim masa të menjëhershme. Sot, Dritan që ne flasim, pas 3 vitesh, ai gjenerator nuk është vënë atje. Kanë qenë këto komunikime pa hyr pastaj në probleme dhe sjellje në trajtimin e trupit diplomatik, për të cilat mua më vjen keq që prej shumë e shumë vitesh vazhdon dhe ndoshta është përkeqësuar një traditë e trajtimit të diplomatëve shqiptarë, e njerëzve që janë përkushtuar në politikën e jashtme jo në mënyrë dinjitoze. Këto çështje nuk janë luks, nuk janë salltanete.

Nishani: Nuk ka ministër që ka këllqe të injorojë institucionin e Presidentit

Hila: Nuk jeni pyetur për ambasadorët, nuk jeni pyetur për politikat e personelit në Ministrinë e Jashtme.

Nishani: Nuk kam pretenduar të ndërhyj në Ministrinë e Jashtme. Ne kemi një ligj të Shërbimit të Jashtëm që përcakton që 5 veta  në Shërbimin Diplomatik duhet të marrin titullin ambasador.

Hila: Ka nja 10 vjet që nuk e japin…

Nishani: Sepse këtu nuk ka përgjegjësi ndaj shtetit. Mendon ministri se këto janë dhurata nga xhepi i tij për njerëz të caktuar. Është Presidenti që jep titullin ambasador. Unë kam dhënë vetëm një titull dhe kanë ardhur vetëm dy propozime. U kam thënë të sjellin propozime për 5 vende. Ata nuk mbahen si çokollata për të premtuar njërit apo tjetrit për t'i mbajtur njerëzit lidhur. Është një kulturë e shekullit të kaluar që njerëzit i mban në xhep karrotën por që ta nuhasë kafsha dhe të vij nga mbrapa.

Kam kërkuar që të kaloj ligji në Parlament, janë përcaktuar 5 poste për titullin ambasador, bëni seleksionimet dhe të vijnë 10 propozime. Nuk erdhën kurrë. Erdhën vetëm dy propozime për dy vende. Në këtë rast jo vetëm ka munguar, por injoruar totalisht institucioni i Presidentit, sepse nuk ka ministër që ka këllqe të injorojë institucionin e Presidentit të Republikës, jo Bujar Nishanin, Ilir Metën sot…etj. Presidenti i Republikës është kreu i Shtetit shqiptar. Në momentin që hyn në atë zyrë është kreu i Shtetit shqiptar nuk është më Bujar Nishani, nuk është më Ilir Meta. Ikën nga ajo zyrë kur dhunon Kushtetutën. E ka qartësisht Kushtetuta. Sa kohë është në atë zyrë është Presidenti i Republikës.

Edhe në rastin e ambasadorëve, unë kam bërë një rezistencë të jashtëzakonshme, jo personale. Asnjë ambasador nuk është emëruar gjatë këtyre 5 viteve sa kam unë si President i Republikës, me dëshirën apo kërkesën time si emërtesë e imja. Kam thënë po emërtoj këta, emëroni ju këtë që dua unë. Kam refuzuar të hyj në relata të tilla. Sepse nuk e quaja normale që emërimet e ambasadorëve të bëhet në këtë procedurë, por të kemi një procedurë normale.

Të marri komisioni i Jashtëm atë rol që i ka dhënë ligji, të marri kryeministri atë rol, të marri Presidenti atë rol që i ka dhënë ligji. Ne nuk kemi luksin që të kemi njerëz pa fund në Shërbimin e Jashtëm. I kemi me gishtat e dorës dhe t'i ruajmë. Flas për njerëz me dinjitet. Ç'rëndësi ka se për kë voton tek kutia e votimit ditën e zgjedhjeve. Diplomatët i shërbejnë shtetit. Kanë investuar dhe të investosh në diplomaci nuk është njësoj si të investosh në një fushë tjetër sepse bota e diplomacisë është specifike dhe është imazhi i shtetit.

Nishani: Establishmenti shqiptaro-fobë është jashtëzakonisht aktiv jashtë

Hila: Juve mendoni se ka pasur një kurbë rënie lineare apo rritjeje diplomatike?

Nishani: Për fatin e keq ka një kurbë rënieje. Unë do t'i kërkoja nëse do t'i kërkoja një gjë publike kryeministrit që u rimandatua është që të tregojë vëmendje dhe përgjegjmëri më të madhe në aspektin e trupit diplomatik. Vëmendje për trajtimin e tyre. Prej disa vitesh ne i kemi neglizhuar. Shteti shqiptar nuk është i pasur, por nuk është në atë derexhe që t'i lëmë diplomatët tanë që të mos kenë mundësinë që të zhvillojnë një bisedë diplomatike në një kafe. Mos të organizojnë një pritje për 28 Nëntorin, të mos bëjnë një aktivitet për të promovuar kulturën e shqiptarëve. Establishmenti shqiptaro-fobë është jashtëzakonisht aktiv jashtë. Ne e dimë këtë. Ne nuk mund ta luftojmë establishmentin shqiptaro-fobë nëse nuk jemi vetë aktiv. Nuk bëhet fjalë të dalim dhe të luftojmë me pushkë. Ne duhet që të krijojmë establishmentin shqiptaro-fil.

Hila: Duhet të lobojmë dhe lobimi bëhet edhe në tavolinat e kafes.

Nishani: Fillon tek tavolina e kafenesë, tek ekspozitat shkencore, të kulturës, tek prezantimi i vlerave që ka Shqipëria dhe shqiptarët. Nuk jem shtet po histori, nuk jemi shoqëri pa shtet. Për këtë arsye i kërkoj vëmendshmëri.

Nishani: Ushtarakët shqiptarë nuk duhet të trajtohen si miq të oborrit

Hila: Juve keni një të kaluar ushtarake. Keni pasur edhe disa përplasje me ministren Kodheli. Si e vlerësoni këtë 4 vjeçar me ministren e Mbrojtjes, me politikat ushtarake.

Nishani: E thashë edhe pak më parë, në aspektin e komunikimit ka qenë korrekt dhe institucional. Por, mund të them që implementimi i politikave në Ministrinë e Mbrojtjes dhe në Shtabin e Përgjithshëm mbetet shumë për të dëshiruar veçanërisht kur kuptojmë dhe duhet të kuptojmë që jemi vend anëtar i NATO-s. Ushtarakët shqiptarë nuk duhet të trajtohen si miq të oborrit, duhet të trajtohen si njerëz dinjitar dhe njerëz që janë elita e një kombi. Kam kaluar 17 vite të jetës sime në uniformë dhe kam kaluar ndoshta pjesën më të bukur që ka njeriu. Me të mira dhe të këqijat e atij profesioni, në konkluzion kam parë që mbi të gjitha ata njerëz me uniformë janë patriotë të sigurt. Mund të mos jenë të pasur, mund të mos jenë njerëz që kanë luksin dhe salltanete të mëdha, mund të mos jenë akademikë disa, por janë patriotë. Edhe në sistemin e kaluar kanë qenë patriotë, por edhe tani. Unë besoj tek patriotizmi i tyre.

Hila: Unë kam pasur një eksperiencë dhe jam skandalizuar kur kam marrë vesh kur një kolonel apo nënkolonel, i cili duhet të dinte disa gjuhë të huaja, duhet të kishte kaluar disa kurse specializimi, merrte një rrogë mizerabël, duke tek 60 mijë lekëshit. A keni bërë ju përpjekje si President për të rritur shpërblimin e tyre material apo ishte e pamundur?

Nishani: Kam bërë disa përpjekje për përpjekje në kuptimin e vokacionit sepse me kompetencat që ju hoqën Presidentit, në ligjin që u bë dhe që për fat të keq Gjykata Kushtetuese nuk ia ktheu Presidentit, ju hoq e drejta e Presidentit për të ndërhyrë në buxhetin e mbrojtjes. Kur flasim për kontributin e Shqipërisë në kuadër të NATO-s, 2% e buxhetit, kjo do të thotë se Shqipëria këto para do t'i depozitojë në Bruksel. Këto janë para që duhet t'i shpenzojmë për Forcat tona të Armatosura. Që nga kjo që thoni juve, nga trajtimi dinjitoz u ushtarakëve tanë. Shqipëria i ka mundësitë që t'i trajtojë në mënyrë dinjitoze ushtarakët shqiptarë, familjet e tyre. Nuk duhet t'i keqpërdorim dhe nuk duhet t'i shpërdorojmë ato resurse financiare që kemi.

Kjo është një temë tjetër që nuk dua të hyj në këtë moment, sepse Shqipëria është vendi më i pasur i Ballkanit me resurse dhe më i varfri në të ardhura. Nuk është asnjë vend tjetër i Ballkanit që eksporton naftë. Mineralet që eksporton Shqipëria, nuk i ka as Maqedonia, as Serbia, as Mali i Zi. Klimën që ka Shqipëria nuk e ka asnjë prej këtyre vendeve. Në resurse më i pasuri dhe në të ardhura më i varfri. Kam bërë përpjekje që të rritet buxheti edhe ndaj angazhimeve që kemi marrë në raport me NATO-n. Ai 2% shkon për trajtimin e ushtarëve, për teknologjinë e mbrojtjes. Shikoni, vendet e tjera në rajon po instalojnë armatime të reja. Në Serbi po instalohen sisteme raketash nga Rusia. Ne jemi vend anëtar i NATO-s. Vërtetë mbrohemi nën artikullin 5,  por ne duhet të ofrojmë mbrojtje për veten tonë. Përpara se të vijë ushtari amerikan, tanku gjerman, apo avioni francez, ne duhet t'i kemi tonat në të njëjtin nivel që i kanë partnerët tanë, edhe njerëzit. Dakord nuk kemi flotë ajrore, por ne kemi Flotë Detare, Shkolla e Marinës është jashtë funksioni.

Hila: U interesova dhe thanë është e mbyllur…

Nishani: Duhet të paguajmë gatishmërinë e sigurisë për veten tonë, për Shqipërinë.

Hila: Si e vlerësoni zhvillimin e ushtrisë në këto 4 vite.

Nishani: Nuk mund të them se ka pasur rënie, por nuk ka ndonjë ngjitje, sepse këtu fillon tek mungesa e resurseve financiare. Në qoftë se i limiton, nuk ke dhënë mundësi të përparosh. Edhe në aspektin e trajtimit, edhe në aspektin e karrierës. Në ushtri ka jo vetëm kolonelë, ka nënkolonelë, ka majorë, që janë me gjuhë të huaj dhe me një formim intelektual shumë të lartë, njerëzor, absolutisht lidership. Këtyre njerëzve duhet t'u japësh garanci.

EKONOMIA, Nishani: Na janë errur sytë nga korrupsioni, makutëria, nga keqbërja dhe nga heshtja

 Hila: Z.President një vështrim për sa i përket ekonomisë. Janë më të varfër apo më të pasur shqiptarët. Mund të ishte bërë më tepër apo kaq mund të bëhej në kushtet e një krize globale.

Nishani: Ajo është evidente. Në qoftë se ka një hemorragji të madhe largimi, kjo është edhe për shkak të nivelit ekonomik dhe mungesës së shpresës për përmirësim. Jemi vendi më i pasur i rajonit me burime ujore. 70% derdhet kot në det. Uji është pasuri e jashtëzakonshme. Uji është industri. Ata që kanë koncept të thellë ekonomik dhe bota e di që Shqipëria është vend i pasurisë së madhe ujore. Ne e lëmë të pashfrytëzuar. Neve vërtetë mund të mos kemi në Shqipëri fabrika të montimit apo nxjerrjen e produktit përfundimtar industrial, por nuk ka arsye të mos kemi fabrika të përpunimit të produkteve bujqësore dhe ushqimore, ajo që quhet agrobiznes.

Hila: Nuk është bërë ndonjë investim?

Nishani: Zero! Më thoni ku është bërë ndonjë investim në Shqipëri e cila mund të çajë tregjet evropiane me përpunimin e produkteve bujqësore dhe blegtorale. Në një vizitë që isha në Frashër të Përmetit, një vend ideal ku produktet blegtorale mund të jenë ndoshta më kualitativet të Evropës, sepse askush nuk e nxit sepse atje mungon baxhoja.

Hila: Mungon rruga z.President.

Nishani: E drejtë mungon rruga. Kanë plotësisht të drejtë. Rruga nga Këlcyra në Përmet është një rrugë malore dhe do 25-30 milionë euro. Një qeveri në Shqipëri mund të japë një argument që 40 mln euro për të bërë një rrugë, duhet të hedhë investimin për të bërë një spital në Përmet, spital rajonal në Vlorë, rajonal në Shkodër. Duhet të kemi disa prioritete. Shqipëria duhet të ketë prioritet arsimin dhe shëndetësinë. Por, një qeverie nuk i falet që jo 30 milionë por 3 mln të ndërtojë atje 5 baxho, të subvencionojë bletarinë, sepse mjalti i asaj zone është i jashtëzakonshëm. Çan tregjet elitare në Evropë dhe botë me mjaltin e asaj zone.

Dhe me sherbelën që ta jep mali në mënyrë organike. Ne mund të rilindim ekonominë familjare. Ne mendojmë të bëjmë gjëra të mëdha dhe nuk bëjmë gjëra të vogla. Të mos perifrazojmë shën Terezën se nuk jemi as sa gishti i vogël i saj, por të bëjmë gjëra të vogla dhe reale. Ekonomia jonë vuan sepse ne nuk jemi ende me këmbë në tokë dhe nuk i shikojmë resurset sepse na janë errur sytë nga korrupsioni, makutëria, nga keqbërja dhe nga heshtja. Shpresoj që këto të ndryshojnë. Unë besoj se në Shqipëri njerëz ka plot dhe ju jeni njerëz aktiv dhe si ju ka shumë në këtë vend.

Hila: Z.President, si do ta vlerësonit bashkëpunimin me kryeministrin Rama gjatë këtyre 4 viteve?

Nishani: Ka qenë një marrëdhënie e ftohtë, gjithsesi institucionale. Kurrë nuk e kam atakuar. I kam kthyer disa përgjigje disa herë kur është tejkaluar masa. Nuk mund të rrija në heshtje. Nuk kam fyer kurrë, nuk kam sharrë kurrë, nuk kam akuzuar kurrë. Kam shprehur shqetësime për disa fenomene negative por i kam rezistuar presionit. Ka pasur presione të panevojshme. Jo gjithmonë drejtpërdrejt si individ nga kryeministri, por pa dyshim nga njerëz përreth kryeministrit. Askush prej tyre nuk mund të guxonte të ushtronte presion, apo të fyente Presidentin pa e pasur aksesin apo licencën nga kryeministri, për të cilën besoj se duhet të ndiqet keq pas këtyre 5 vitesh në qoftë se i rikthehet retrospektivës, sepse Presidenti nuk është atje qoftë edhe nëse do të ishte i ardhur nga Partia Socialiste sepse unë vij nga një tjetër krah politik, por i pangarkuar politikisht në aspektin e raportit personal. Unë nuk do të votoja për Partinë Socialiste dhe nuk do të votoj, por kjo nuk do të thotë që Presidenti duhet trajtuar si kundërshtar politik. Presidenti duhet trajtuar si Institucion dhe ndërton raportin në baza institucionale. Unë i kam qëndruar korrekt mënyrës së komunikimit dhe respektimit ndaj institucionit të kryeministrit. Nuk kam pasur kurrë iluzione që është Presidenti ai që udhëheq vendin. Udhëheqësi dhe drejtuesi është kryeministri sepse ne jemi një Republikë parlamentare. Kam mbrojtur dinjitetin e kreut të Shtetit. Kam ushtruar kompetencat e mia në politikën e jashtme dhe dua të garantoj sot çdo qytetar shqiptar që e kam përfaqësuar me shumë dinjitet Shqipërinë dhe shqiptarët në aktivitete të panumërta dhe në rangje më të larta globale ku kam marrë pjesë. Kam bërë detyrën dhe nuk kam bërë asgjë më shumë. Kam ditur ta paraqesë dhe e kam paraqitur në mënyrë dinjitare në sallonet dhe kancelaritë më të rëndësishme të botës. Më vjen mirë që e kam arritur këtë jo vetëm në politikën e jashtme, por edhe në institucione të tjera ku Presidenti ka pasur tagrin e vet pa u ndikuar nga humori i kryeministrit që gjithsesi mendoj që duhet të bëhet pishman dhe duhet të ndihet jo mirë për disa veprime dhe qëndrime në raport me Presidentin e Republikës dhe pse jo edhe me Bujar Nishanin.

Nishani: Meta duhet të kishte bërë më shumë rezistencë ndaj ligjeve kundër presidentit

Hila: Me z.Meta…

Nishani: Me z.Meta ka pasur një raport krejt korrekt, respekti reciprok. Pa dyshim nuk kemi pasur përplasje sepse nuk ka pasur tentativa për ndërhyrje kompetencash, as të Presidentit te kryetari i Parlamentit dhe as kryetari i Parlamentit tek Presidenti. Gjithsesi, do të kisha dashur që z.Meta si kryetari i Parlamentit, por edhe si kryetari i LSI-së të kishte bërë më shumë rezistencë në procesin ligjbërës në Parlament ku janë limituar kompetencat e Presidentit, për më tepër kur janë bërë ligje mbi Kushtetutën, duke injoruar Kushtetutën, dhe ku Partia e zt.Meta ka bashkuar votat e tij. Me z.Meta në raportet njerëzore kemi pasur marrëdhënie mjaft korrekte dhe normale.

Nishani: Askush nuk ka privilegjin moral për të përcaktuar vendimmarrjen e anëtarëve të PD-së.

Hila: Si i gjykoni zhvillimet e fundit në Partinë Demokratike ku një grup personalitetesh të saj si Topalli, Patozi, Imami, Bregu, patën një përplasje me z.Basha. Mendoni se kjo e ka dobësuar Partinë Demokratike?

Nishani: Së pari është e drejta e gjithsecilit të shfaqë mendimet, mos pëlqimet, vërejtjet, kontestimet e tij. Emrat që përmendët janë njerëz që kanë pasur kontribute të gjata në Partinë Demokratike. Janë njerëz që kanë pasur edhe privilegje nga PD-ja, pra edhe kanë dhënë dhe kanë marrë. Unë jam njëri prej tyre që kam marrë shumë privilegje nga Partia Demokratike. Më është dhënë mundësia që të bëhesha deputet. Nuk u bëra deputet vetëm me votën time dhe familjes sime. Më kanë dhënë privilegjin të bëhem ministër. Kam pasur privilegjin të bëhem President, sepse ka qenë vota dhe besimi i tyre që të bëhem unë President. Të gjitha këto janë besim dhe privilegj. Edhe këta zotërinj kanë marrë privilegje nga PD-ja. Unë besoj që nuk ka askush priviligjenin moral për të përcaktuar vendimmarrjen e anëtarësisë së Partisë Demokratike. Ka të drejtën morale të thotë fjalën e vet. Por askush nuk mund të kundërvihet, anatemojë, vendimin, qëndrimin e anëtarësisë së PD-së. Është vetëm anëtarësia e PD-së, ata që na bënë ne ministra, që na bënë neve deputetë, e kështu me radhë, ata kanë të drejtën të përcaktojnë kush është kryetari i PD-së, ata kanë të drejtën të kenë alternativat. Kush kërkon dhe mendon se ka një alternativë për ta duhet të ofrohet, duhet të ketë gjithë aksesin për të paraqitur alternativën tek anëtarësia e PD-së, por askush nuk ka të drejtën morale të atakojë dhe të fyej qëndrimin dhe vendimmarrjen e anëtarëve të PD-së.

Hila: Z.President, si do ta vlerësonit bashkëpunimin me kryeministrin Rama gjatë këtyre 4 viteve?

Nishani: Ka qenë një marrëdhënie e ftohtë, gjithsesi institucionale. Kurrë nuk e kam atakuar. I kam kthyer disa përgjigje disa herë kur është tejkaluar masa. Nuk mund të rrija në heshtje. Nuk kam fyer kurrë, nuk kam sharrë kurrë, nuk kam akuzuar kurrë. Kam shprehur shqetësime për disa fenomene negative por i kam rezistuar presionit. Ka pasur presione të panevojshme. Jo gjithmonë drejtpërdrejt si individ nga kryeministri, por pa dyshim nga njerëz përreth kryeministrit. Askush prej tyre nuk mund të guxonte të ushtronte presion, apo të fyente Presidentin pa e pasur aksesin apo licencën nga kryeministri, për të cilën besoj se duhet të ndiqet keq pas këtyre 5 vitesh në qoftë se i rikthehet retrospektivës, sepse Presidenti nuk është atje qoftë edhe nëse do të ishte i ardhur nga Partia Socialiste sepse unë vij nga një tjetër krah politik, por i pangarkuar politikisht në aspektin e raportit personal. Unë nuk do të votoja për Partinë Socialiste dhe nuk do të votoj, por kjo nuk do të thotë që Presidenti duhet trajtuar si kundërshtar politik. Presidenti duhet trajtuar si Institucion dhe ndërton raportin në baza institucionale. Unë i kam qëndruar korrekt mënyrës së komunikimit dhe respektimit ndaj institucionit të kryeministrit. Nuk kam pasur kurrë iluzione që është Presidenti ai që udhëheq vendin. Udhëheqësi dhe drejtuesi është kryeministri sepse ne jemi një Republikë parlamentare. Kam mbrojtur dinjitetin e kreut të Shtetit. Kam ushtruar kompetencat e mia në politikën e jashtme dhe dua të garantoj sot çdo qytetar shqiptar që e kam përfaqësuar me shumë dinjitet Shqipërinë dhe shqiptarët në aktivitete të panumërta dhe në rangje më të larta globale ku kam marrë pjesë. Kam bërë detyrën dhe nuk kam bërë asgjë më shumë. Kam ditur ta paraqesë dhe e kam paraqitur në mënyrë dinjitare në sallonet dhe kancelaritë më të rëndësishme të botës. Më vjen mirë që e kam arritur këtë jo vetëm në politikën e jashtme, por edhe në institucione të tjera ku Presidenti ka pasur tagrin e vet pa u ndikuar nga humori i kryeministrit që gjithsesi mendoj që duhet të bëhet pishman dhe duhet të ndihet jo mirë për disa veprime dhe qëndrime në raport me Presidentin e Republikës dhe pse jo edhe me Bujar Nishanin.

Nishani: Meta duhet të kishte bërë më shumë rezistencë ndaj ligjeve kundër presidentit

Hila: Me z.Meta…

Nishani: Me z.Meta ka pasur një raport krejt korrekt, respekti reciprok. Pa dyshim nuk kemi pasur përplasje sepse nuk ka pasur tentativa për ndërhyrje kompetencash, as të Presidentit te kryetari i Parlamentit dhe as kryetari i Parlamentit tek Presidenti. Gjithsesi, do të kisha dashur që z.Meta si kryetari i Parlamentit, por edhe si kryetari i LSI-së të kishte bërë më shumë rezistencë në procesin ligjbërës në Parlament ku janë limituar kompetencat e Presidentit, për më tepër kur janë bërë ligje mbi Kushtetutën, duke injoruar Kushtetutën, dhe ku Partia e zt.Meta ka bashkuar votat e tij. Me z.Meta në raportet njerëzore kemi pasur marrëdhënie mjaft korrekte dhe normale.

Nishani: Askush nuk ka privilegjin moral për të përcaktuar vendimmarrjen e anëtarëve të PD-së.

Hila: Si i gjykoni zhvillimet e fundit në Partinë Demokratike ku një grup personalitetesh të saj si Topalli, Patozi, Imami, Bregu, patën një përplasje me z.Basha. Mendoni se kjo e ka dobësuar Partinë Demokratike?

Nishani: Së pari është e drejta e gjithsecilit të shfaqë mendimet, mos pëlqimet, vërejtjet, kontestimet e tij. Emrat që përmendët janë njerëz që kanë pasur kontribute të gjata në Partinë Demokratike. Janë njerëz që kanë pasur edhe privilegje nga PD-ja, pra edhe kanë dhënë dhe kanë marrë. Unë jam njëri prej tyre që kam marrë shumë privilegje nga Partia Demokratike. Më është dhënë mundësia që të bëhesha deputet. Nuk u bëra deputet vetëm me votën time dhe familjes sime. Më kanë dhënë privilegjin të bëhem ministër. Kam pasur privilegjin të bëhem President, sepse ka qenë vota dhe besimi i tyre që të bëhem unë President. Të gjitha këto janë besim dhe privilegj. Edhe këta zotërinj kanë marrë privilegje nga PD-ja.

Unë besoj që nuk ka askush priviligjenin moral për të përcaktuar vendimmarrjen e anëtarësisë së Partisë Demokratike. Ka të drejtën morale të thotë fjalën e vet. Por askush nuk mund të kundërvihet, anatemojë, vendimin, qëndrimin e anëtarësisë së PD-së. Është vetëm anëtarësia e PD-së, ata që na bënë ne ministra, që na bënë neve deputetë, e kështu me radhë, ata kanë të drejtën të përcaktojnë kush është kryetari i PD-së, ata kanë të drejtën të kenë alternativat. Kush kërkon dhe mendon se ka një alternativë për ta duhet të ofrohet, duhet të ketë gjithë aksesin për të paraqitur alternativën tek anëtarësia e PD-së, por askush nuk ka të drejtën morale të atakojë dhe të fyej qëndrimin dhe vendimmarrjen e anëtarëve të PD-së.

Nishani: Këto do të jenë 4 vite të vështira për Shqipërinë

Hila: Z.Nishani jemi në kushtet kur e majta ka një zotërim të frikshëm të pushtetit, kryeministrin, Presidentin. PD ngjan vërtetë një minorancë. Linja më e mirë duhet të jetë linja agresive e opozitës apo linja e ndjekur 4 vitet e shkuara ku kishim një opozitë "soft"?

Nishani: Këto do të jenë 4 vite të vështira për Shqipërinë dhe shqiptarët për fatin e keq, në aspektin ekonomik, në aspektin social. Këtë konkluzion e bëj nga ajo çfarë ndodhi nga kjo alternativë qeverisëse gjatë 4 viteve të shkuara. Nuk do të ketë ndryshim.

Hila: Nuk mendoni se do të ketë përplasje PS-LSI?

Nishani: Nuk ka rëndësi. Përplasja e LSI-së me PS-në nuk do të sjellë ndryshime në standardin ekonomik të Shqipërisë. Standardi ekonomik vjen nga qasja e politikave të qeverisë. Nga angazhimi i qeverisë, nga largpamësia e qeverisë. Përplasjet politike nuk thonë asgjë. Janë thjesht eksplodime partiake apo individuale që kanë qenë dhe janë normale. Pa dyshim është edhe situata shumë sfiduese që ka e djathta dhe pa dyshim Partia Demokratike që është forca kryesore e opozitës dhe së djathtës. Ka sfida të mëdha, është një proces prove shumë të fortë. Unë e quaj pozitive mbylljen e procesit të brendshëm partiak se sa një zgjatje që do të ishte në dëm të PD-së në tërësi dhe në dëm të atmosferës së përgjithshme. I uroj suksese zt.Basha për rizgjedhjen në krye të Partisë Demokratike. Besoj që zt.Basha i ka të gjitha potencialet intelektuale dhe njerëzore për ta udhëhequr dhe drejtuar në rrugën e opozitarizmit të fortë PD-në dhe kur them opozitarizëm të fortë nuk kam parasysh vetëm thirrje dhe dhunë. Edhe thirrjet duhen. Opozita e ka modelin e saj në çdo vend demokratik. Së fundmi kemi protesta të fuqishme në Poloni me qytetari. Presidenti i cili e mbronte deri para pak kohësh nismën ligjore, për shkak të presionit të madh qytetar i vuri veton nismës ligjore për sistemin e drejtësisë. E mora si shembull pa dashur të ndërhyjë në punët e brendshme të atij vendi. E djathta në Shqipëri ka një provë dhe një sfidë shumë të madhe dhe besoj se i ka kapacitetet dhe mundësitë t'i japë Shqipërisë një opozitë të fortë, një alternativë shprese por gjithkush është në test. Qeverinë dhe kryeministrin nga njëra anë dhe opozitës nga ana tjetër. Shtatori duhet të nisë me një aksion të fortë opozitar. Janë shumë çështje përpara, reforma të mëdha, të cilat pa opozitën, qëndrimin e fortë profesional mund të krijojnë probleme serioze në tërë sistemin politik të vendit dhe institucional.

Çfarë synon Nishani në vijim

Hila: Do ta rimerrni teserën e PD-së apo keni vendosur t'i rrini larg politikës aktive të rreshtuar?

Nishani: Unë jam rritur politikisht pranë Partisë Demokratike. Jam anëtarësuar në vitin 1991. Kur u lejua ligji i pluralizmit, u largova tek Ministria e Mbrojtjes ku nuk mund të ishe anëtar Partie deri në 1997. Në '97-n e më tej kam pasur funksione të larta në PD. Jam rritur politikisht tek PD, tek e djathta dhe kur e them tek e djathta nuk e them tek aspekti i ngushtë ideologjik, por tek parimet e djathta, tek konservatorizmi i pleksur me fytyrën sociale të Shqipërisë. Shqipëria ka nevojë për një model konservatitorizmi të forcimit të institucioneve të shtetit, të luftës kundër krimit të organizuar, dhe të ndërtimit të disa kolonave strikte që do të thotë që nga Presidenti i Republikës, tek kryeministri e deri tek qytetarët e thjeshtë të jenë "skllav" të respektit të këtyre kolonave dhe gjykimi të vij nga këto kolona. Të familjes, të vlerave të familjes, të ekonomisë së lirë dhe konkurrencës, të lirisë së mediat dhe lirisë së individit dhe të patriotizmit dhe nga ana tjetër, Shqipëria e cila nuk ka ngjashmëri me disa vende të Evropës të konsoliduara ka nevojë për disa politika të forta sociale, jo abuzuese por sociale. Ne kemi nevojë të ndihmojë njerëzit në nevojë, familjet e varfra, gratë veçanërisht siç janë ato kryefamiljare, fëmijët, shkollimi dhe shëndetësia. Në aspektin e investimeve, Shqipëria duhet të shpenzojë dy të tretat e buxhetit të saj në shëndetësi, në gjykimin tim, dhe në arsim.

Hila: Me sa kuptoj do të ktheheni prapë në politikën aktive?

Nishani: Nuk mund ta them konkretisht se çfarë do të ndodhë nesër. Unë thashë që Shqipëria dhe shqiptarët kanë investuar shumë tek unë dhe është momenti t'ua kthej atyre pa shpërblim. Pa shpërblim do të thotë që nuk synoj më poste qeveritare për të përfituar nga shteti. Unë do ta ndjek shumë afër politikën  dhe do të prononcohem vazhdimisht për çështjet e politikës.

Hila: Juve keni arritur në një moshë të re gjëra që shumë pak njerëz i kanë arritur në një moshë të vonë. Ju uroj suksese.

Nishani: Ishte një ftesë shumë e veçantë në fund të mandatit dhe shumë miqësore sepse shpesh herë në fund të mandatit nuk ke shumë ftesa.

/Ora News.tv/

 

/Ora News.tv/

 

Të parët për lajmin e fundit. Ndiqni Oranews.tvFacebook dhe në Twitter

Nishani: Establishmenti shqiptaro-fobë është jashtëzakonisht aktiv jashtë

Posted: 27 Jul 2017 01:22 PM PDT

Ish-Presidenti Bujar Nishani në një intervistë në "Arena" nga Dritan Hila në Ora News i pyetur për zhvillimet në diplomacinë shqiptare, ai kërkoi kryeministrit Rama nëse mund të kishte një kërkesë të tillë që të kishte në vëmendje trupën diplomatike duke dhënë edhe arsyet se pse.

Pjesë nga intervista: 

Hila: Juve mendoni se ka pasur një kurbë rënie lineare apo rritjeje diplomatike?

Nishani: Për fatin e keq ka një kurbë rënieje. Unë do t'i kërkoja nëse do t'i kërkoja një gjë publike kryeministrit që u rimandatua është që të tregojë vëmendje dhe përgjegjmëri më të madhe në aspektin e trupit diplomatik.

Vëmendje për trajtimin e tyre. Prej disa vitesh ne i kemi neglizhuar. Shteti shqiptar nuk është i pasur, por nuk është në atë derexhe që t'i lëmë diplomatët tanë që të mos kenë mundësinë që të zhvillojnë një bisedë diplomatike në një kafe. Mos të organizojnë një pritje për 28 Nëntorin, të mos bëjnë një aktivitet për të promovuar kulturën e shqiptarëve. Establishmenti shqiptaro-fobë është jashtëzakonisht aktiv jashtë.

Ne e dimë këtë. Ne nuk mund ta luftojmë establishmentin shqiptaro-fobë nëse nuk jemi vetë aktiv. Nuk bëhet fjalë të dalim dhe të luftojmë me pushkë. Ne duhet që të krijojmë establishmentin shqiptaro-fil.

Hila: Duhet të lobojmë dhe lobimi bëhet edhe në tavolinat e kafes.

Nishani: Fillon tek tavolina e kafenesë, tek ekspozitat shkencore, të kulturës, tek prezantimi i vlerave që ka Shqipëria dhe shqiptarët. Nuk jem shtet po histori, nuk jemi shoqëri pa shtet. Për këtë arsye i kërkoj vëmendshmëri.

/Ora News.tv/

 

Të parët për lajmin e fundit. Ndiqni Oranews.tvFacebook dhe në Twitter

Netanyahu fajëson Al Jazeera-n për dhunën në Jerusalem

Posted: 27 Jul 2017 01:20 PM PDT

Kryeministri i Izraelit, Benjamin Netanyahu, fajësoi rrjetin televiziv Al Jazeera për nxitje të dhunës në Jeruslaem dhe tha se do ta dëbojë atë nga Izraeli.

Rrjeti me seli në Katar dhe mediat e tjera kanë mbuluar dhunën, e cila ka shpërthyer pasi palestinezët kanë kundërshtuar masat e ashpra të sigurisë pranë kompleksit të xhamisë Al-Aqsa në Jerusalem.

Vendi konsiderohet i shenjtë edhe nga myslimanët, edhe nga hebrenjtë.

Tre izraelitë dhe katër palestinezë kanë vdekur nga dhuna qysh në fundjavë.

"Rrjeti Al Jazeera vazhdon të nxisë dhunë rreth Malit të Tempullit", tha Netanyahu duke iu referuar lokacionit të shenjtë.

"Kam folur disa herë me autoritetet e sundimit të ligjit për të kërkuar mbylljen e zyrës së Al Jazeera-s në Jerusalem. Nëse kjo nuk ndodh për shkak të interpretimit ligjor, unë do të punoj për miratimin e legjislacionit për dëbimin e Al Jazeera-s", tha Netanyahu në një postim në Facebook.

Izraeli vazhdimisht e ka akuzuar Al Jazeera-n për anim në mbulimin e konfliktit izraelito-palestinez.

Rrjeti televiziv nuk e ka komentuar menjëherë deklaratën e Netanyahut.

Disa shtete arabe kërkojnë po ashtu mbylljen e rrjetit, të cilin e akuzojnë për nxitje të ekstremizmit./REL/

Të parët për lajmin e fundit. Ndiqni Oranews.tvFacebook dhe në Twitter

loading...

Lexo edhe:

Postimet e fundit






Popular posts from this blog

Trajta e shquar dhe e pashquar e emrit

  Trajta e shquar dhe e pashquar e emrit Trajta themelore e emrit është rasa emërore e pashquar.  Nga trajta themelore ose parësore i fitojmë format e tjera gramatikore të emrit (trajtat). Emrat , si në njëjës ashtu edhe në shumës, përdoren në dy trajta: a) në trajtë të pashquar dhe b) në trajtë të shquar shquar. Emri në trajtën e pashquar tregon qenie, sende ose dukuri në përgjithësi, në mënyrë të papërcaktuar. P.sh.: një nxënës, një punëtor, një mendim , një mace, një laps etj. Emri në trajtën e shquar tregon qenie, sende ose dukuri të tjera, të veçuara nga gjërat e tjera të llojit të vet. P.sh.: nxënësi, punëtori, mendimi, macja, lapsi etj.   Formë përfaqësuese (bazë) e emrit është trajta e pashquar, numri njëjës, rasa emërore : djalë, vajzë, shkollë, lule, letër, njeri, kompjuter, lepur, qen, piano etj. Trajta e shquar e emrit formohet duke i pasvendosur formës përfaqësuese nyjën shquese, përkatësisht mbaresën: a) për emrat e gjin

Ese të ndryshme shqip

Ese dhe Hartime '' Ese dhe hartime të ndryshme shqip dhe anglisht '' Ndalohet rreptësisht kopjimi dhe postimi në një faqe tjetër.  Redaksia Rapitful ka lexuar disa ankesa në emailin e saj të bëra nga disa arsimtarë dhe profesorë ku janë ankuar se nxënësit po i kopjojnë esetë dhe hartimet nga faqja Rapitful dhe me ato ese apo shkrime po prezantohen gjatë shkrimit të eseve dhe hartimeve. Pra redaksia Rapitful kërkon nga nxënësit që të mos kopjojnë esetë dhe hartimet dhe me to të prezantohen para mësimdhënësve por le të jenë këto ese vetëm si një udhërrëfyes se si duhet të shkruhet një ese apo hartim dhe asesi të kopjohen. Ju faleminderit për mirëkuptim. Ese dhe hartime do te shtohen vazhdimisht keshtuqe na vizitoni prap. Nëse dëshironi Analiza letrare të veprave të ndryshme kliko mbi Analiza Letrare Kliko mbi titullin që ju intereson Ese për Diturinë   Për Mjekët! Fakultetet e sotme po kryhen me teste 6 arsye për të mos studiuar mjekësinë P

Tekste shqip: ““Ah Kjo Rruga E Gurbetit” - Shaqir Cërvadiku & Fatjon Dervishi” plus 21 more

Tekste shqip: ““Ah Kjo Rruga E Gurbetit” - Shaqir Cërvadiku & Fatjon Dervishi” plus 21 more “Ah Kjo Rruga E Gurbetit” - Shaqir Cërvadiku & Fatjon Dervishi “Du Me T'pa” - Gjyle Qollaku Nora Istrefi “Kercejna” - Sabiani Feat. Denis Taraj Getoar Selimi “Du Me T'pa” - Lori Bora Zemani “Million” - Melissa
Related Posts Plugin for WordPress, Blogger...

Labels

Show more